加德滿都機場滯留記和胡志明市八婆遊

由倫敦回來後忙得半死, 8月尾去了尼泊爾回來也沒有時間寫滯留尼泊爾加德滿都國際機場的混亂事情.

今年一定是犯太歲.  6月被偷錢偷護照, 之後又因為有飛機滑出跑道被逼在尼泊爾滯留了一日.  過程痛苦萬分...........

10月和朋友去一次完全沒有參與計劃行程的胡志明市五天遊. 幸好無事歸來!!

有時間再和大家分享!!

倫敦遺失特區護照點算好?

今次倫敦遺失現金護照過程冇謂再提, 以免再勾起傷心事.  呢篇文章純粹向大家講解一下如果在倫敦遺失護照應該點樣做, 免得大家好似我一樣,盲頭烏蠅浪費時間.


首先, 當你發覺被偷去財物, 無需要浪費自己時間去警局報案. 因為警察唔會幫你落案. Oxford Street Primark 的manager 叫我到最近的Charing Cross 警局報案, 我用google map 加上問咗好多個人(10個有9個人唔知警局響邊, 我最後在紅綠燈前截住一架警車先問到)  去到之後, 被一個當值嘅阿婆教訓完我一餐(點解你帶住passport 出街? 你酒店冇夾萬? 你知唔知歐洲地方唔需要帶身份證明文件出街?)   乜乜七七講咗5分鐘, 最後話"well, 我呢度幫你唔到, 你照住個網址上網report 啦.   番酒店慢慢攪"  之後遞咗一張紙俾我, 叫我自己報案.  當值阿婆仲話, "你帶咁多錢出街?  你知唔知倫敦係"city of pickpocket?"

番到酒店我同個網搏鬥咗好耐. 最後發覺係完全廢嘅.  因為佢上面叫我去/https://www.immobilise.com/ 而Immobilise 係俾有Serial no. 嘅物品如手提電腦, 電話, 相機等等報失用. 我唔見嘅係現金同護照, 所以不適用.  (我今日寫呢篇文章時發覺網頁有d 地方同我當晚睇嘅唔同.  一陣再講.)  最後因為太夜, 我只好whatsapp 我倫敦同事, 請求佢明天番公司幫手睇吓我點樣可以報到案, 雖然明知一定搵唔番, 但我要claim 保險, 點都需要一個報案number.

好喇, 咁護照點辦呢?
記住呢個電話:  入 境 事 務 處 協 助 在 外 香 港 居 民 小 組 24 小 時 求 助 熱 線  (852) 1868

第二日倫敦時間早上8點幾, 我香港朋友打呢個電話聯絡入境處, 將我情況轉告再留低我英國電話. .  一位主任立即打長途電話俾我, 向我了解情況, 攞咗我簡單個人資料.  馬上將資料send到倫敦中國大使館.  叫我今日去儘快去辦領臨時證件.  好彩我星期六番香港而當時只係星期四, 仲趕得切.  不過大使館只在早上9am-12pm 辦理簽證, 所以要快d 去喇.  在遠方聽到一把冷靜嘅聲音仲係講廣東話, 我當時極度焦慮嘅心情的確係馬上冷靜咗少少. 
我問主任, 咁我要唔要報案number 先可以辦證呀?

主任都唔清楚, 叫我自己問一問大使館.  於是一到九點正, 馬上打電話到大使館.  我將情況講一次,接電話的職員話, 唔需要報案number.   直接去就可以, 而且佢已經收到由香港入境處send 過去嘅資料.  

辦理臨時簽證需要證件相一張以及38英鎊 (因為快證)

可以先到大使館遞交申請表再去影相.(因為只開9-12)   大使館職員會話你知邊度可以影相.  不過好! 鬼! 貴!!!!!!!   GBP 10 得4張!!!!

仲有, 最好自己影定一張身分證副本(前 & 後) .  可以在大使館影嘅, 但要準備散紙.  我就係因為冇散紙所以在大使館內乞求其他人俾錢我....嗚嗚嗚(要知道我全部現金被偷呀一個pence 都冇....我都係公司俾住幾十鎊緊急救濟金我用咋)

交咗表又交咗相.  等咗一陣職員就叫我去COUNTER.  因為入境處一早俾咗資料, 我只要簡單講多一次情況, 最重要就係要講兩日後番香港要做快證, 職員就俾咗張收條我, 叫我明天黎取證就可以走喇.  

過程極快, 完全冇阻滯!!

第二日番去取證, 在cashier 見到....唔收信用卡?????  唔係話????  我唔夠錢喎????點算?
口窒窒問職員"你....你們不收信用卡嗎?????"
職員:"你的卡是那裡發的?"
我:  "英國柏克萊銀行" (是公司卡喇)
職員: "那可以."

所以,    請記住, 去旅行要將護照和現金分開放!!!!!!  你不幸地唔見護照兼且冇埋現金, (即係我咁), 但你又冇英國信用卡, 你係俾唔到錢架!!!!  除非你香港信用卡可以提cash, 但我唔知自己信用卡密碼囉 LOL

於是我最後順利咁拎咗個臨時證番到香港喇.  因為我騰雞, 驚出境會有阻滯, 所以回港那日一早到機場退稅+CHECK IN.  退稅那邊完全冇問題, 只說一句Passport 唔見咗就繼續辦理.   國泰的地勤就要我出示香港身分證睇咗一陣, 但都一切順利.

好喇, 寫咗一大堆, 來個總結先.    先聲明, 我今次在倫敦唔見咗護照. 其他地方點處理我唔清楚.

1.  當發現唔見咗護照, 先聯絡香港入境處  (852) 1868.    等佢地先向倫敦中國大使館通報.  但唔通報得唔得呢?  我唔知喎. 因為我當日一早打電話去大使館, 職員查電腦搵到我資料之後叫我馬上趕去. 而去到之後我又再講多一次入境處已有通報嘅時候感覺好似成件事好smooth, 好辦好多咁囉.

2.   辦理緊急證件時無需要報案的reference number.   直接去大使館就可以.   下面係UK Metropolitan police 網頁寫嘅.  但當日我見唔到囉.......

3. 唔好浪費時間去警局報警喇..  廢嘅.  警局西面當值阿婆叫我去report 果條link, 又係廢嘅. 因為我唔係唔見電話電腦嘛.  我有試過將passport number 當做serial number 咁report, 但係去唔到最後個step 架.  又冇make 又冇serial number, 點攪啫?  而且要我聲稱自己lost, 唔係俾人偷喎, 我鬼知咩? 大佬我唔奢望你幫我搵番d 嘢, 我只想要reference number claim 保險啫.  簡單d 得唔得呀?????

4. 最後我英國同事決定幫我 Report  a crime. 填好呢一份表就會有一個reference number, 咁可以俾保險公司喇.  一日之後, 英國警方就會回覆email  話冇疑犯, 個case close 喇. (第二樣嘢唔見咁快)

保險公司嘅文件都係上星期先交.  因為係公司嘅plan 所以要交去英國, 而家都唔知可以賠到幾多.....

倫敦治安真係好差.  要小心財物.  我所有同事知道我在Oxford Street 遇到扒手個樣完全唔surprise.  我睇當地報紙都見到不少入屋行劫兼打屋主一身嘅案件.  屋主仲係八,九十歲老婦!! 今日亦有朋友嘅朋友在倫敦KFC 被偷去電腦電話銀包損失超過5000英鎊!!!

最後, 老土d 都要講:  冇乜特別, 唔好帶護照出街喇.  D 錢分開幾個地方放, 唔好放埋一齊!! 好彩我香港身分證同公司Credit card 放在第二個銀包而那個銀包冇事咋!!!

仲有仲有, 帶一張護照影印本去旅行. 你唔知幾時會用到佢架!! 我電話有護照copy, 在公司print 咗之後帶咗去大使館.  雖然我覺得冇的話都一樣會issue 個快證嘅. 但佢地又真係問我有冇copy喎.  

嗱, 呢個就係我個價值38英鎊嘅證件喇. 

大使館職員話有3年限定, 但我唔知乜嘢地方可以用得著?  香港入境處職員話只係俾我用黎緊急入境囉....

倫敦黑仔之旅

從倫敦回來幾日之後一直忙到發瘋。因為....我在倫敦被偷去所有現金和護照！！！！

我又多一篇實用性文章了--- 在倫敦遺失了護照應該如何處理。

唉。等我攪掂保險有時間再慢慢寫。。。 

又去倫敦--今次是逼上梁山

本以為工作已經去到樽頸, 不會再有機會到倫敦Training,  怎知道2018年農曆年一過工作上來了一個翻天覆地的變化, 我又要去倫敦了. 和之前幾次不同, 今次是被逼上梁山所以完全不想去.  甚至因為行程”被”改了幾次之後連stay behind 的心情也沒有, 決定速去速回, 最高興應該是賺了飛行里數吧.

出發日子為六月頭, 天氣應該不俗.  由於今次是第四次, 經典遊客行程都差不多去了七七八八, 所以正在考慮要不耍去位於牛津郡的bicestervillage outlet 逛逛順便帶貨 lol

第四次的尼泊爾之旅

2017年12月我又飛到加德滿都入貨, 順道體驗一下尼泊爾人過新年的感覺.   

酒店:

今次也是經WENEPAL 的Raj Kumar 幫我安排酒店和機場接送 (之前的介紹在此).  Raj 提議了一間新開的酒店thamel park hotel 給我, 這間酒店地點在一個靜中帶旺的地方, 有一個很大的花園, 房間寬敞整潔, 所有工作人員都非常有禮, 笑容可掬.  房間價錢包括了一個自助早餐.  雖然早餐千篇一律但免費的話也沒有所謂了.  總括來說我對這間酒店非常滿意.  

據Raj 說老闆之一是韓國人, 所以我每日都會見到有韓國客人在吃早餐.  如要訂此酒店記得找Raj, 會比自己上網訂便宜一點.

https://hotelthamelpark.com/#

除夕:

我在12月31號晚上和當地朋友吃過晚餐之後, 夜遊猴子廟.  猴子廟第一次到尼泊爾時已經去過.  夜晚去另有一番趣味, 而那趣味就是有好多好多的猴子跟著我行!!! 牠們一大班在後面跟著我令我突然覺得自己變成齊天大聖孫悟空!!!

之後請求朋友帶我到thamel 最旺的地方體驗一下尼泊爾人如何過除夕.  他說尼泊爾一年有幾個新年所以他沒有太大感覺, 而且好擠迫要我有心理準備, 最後帶我去到 一個有DJ 打碟的地方看一看.  我在前往的途中已有一點點後悔.  雖說是人多擠迫, 但那種給人撞來撞去的感覺令我感到很反感.  香港行年宵花市一樣人多, 但大家都會儘量不會刻意去碰撞. 但在尼泊爾那一晚我的確感覺到那些人是刻意撞向我.  尤其是迎面而來的男性.  而且他們是大大力撞過來的.  到了DJ 打碟的地方, 人群變得更瘋狂.  只是晚上10:30左右, 他們已經在發狂的跳舞, 旁邊我看到有不少戴上頭盔盾牌的警察, 更加讓我覺得人群有失控的可能性.  腦中閃過當年香港蘭桂坊的事更加不安.  就在這刻我突然覺得我籮柚給人大大力揸了一吓(寫廣東話好似傳神D), 由於人太多完全不知道誰是犯人, 左望右望之際我見到遠遠有人望著我奸笑!!!! 嬲到我!!!  我對尼泊爾人的好感在那一刻灰飛煙滅!! 我向朋友投訴, 他一面幸災樂禍說: “一早警告過你啦!! 那些人趁人多乘機抽水呀!!!”  我嚷著要走, 他還在興致勃勃的做FACEBOOK LIVE!!!!! 激死我!!

酒店以烤全羊吸引客人

酒店以烤全羊吸引客人

食物:

kathmandu steak house

每次到加德滿都幾乎都去Kathmandu Steak House, 水準keep 住一樣的普通, 沒有驚喜但沒有失望.  如果午餐我多數會食thukpa, 是尼泊爾湯麵的一款.  可以選雞, 水牛, 雜菜或mixed.  每間餐廳煮的都有非常不同的味道, 每一次都有不同的期望, 也蠻好玩.  朋友今次介紹不少餐廳給我, 我的結論是:  在加德滿都還是不要吃中國菜. 因為都很辣和很油, 絕對不合我口味和腸胃.  有一晚朋友帶我去了一間新開的中國餐廳, 三個小菜全部辣. 我用了四碗熱水把菜洗過還是吃不下.  尼泊爾朋友全部吃光但拉肚子拉了兩日. 之後他再和我去了一間名為澳門大排檔的餐廳. 一心想吃豬扒包的我非常失望. 因為它也是另一款吃雜碎, 和所有菜都打了好多芡汁的外國唐人街中菜餐廳………只不過可以選擇不辣而已.

 

勁辣中菜

多芡澳門大排檔

Thukpa, 炒麵, momo, 冬天必飲的lemon giner

＿

 反而日本菜是很安全的選擇.  推介ふるさと(furusato), 我被他們餐廳外的宣傳照吸引, 點了一個從來在香港不會order 的鹽燒鯖魚, 非常好味!! 雖然室外氣溫近乎零度但再配一支everest 啤酒, 簡直享受!!!!另一間是cha cha café, 餐牌有日文但又不是純日本菜但也可以一試.  推介是雞(不要點牛).另外一家是酒店附近的Black Olive Café, 我點的印度Masala chicken 也是十分精彩.  有一家越南pho 99(另一家在boudda 佛塔對面), 牛河和香港的非常不同, (不能選生牛或熟牛, 只有熟牛), 雖然我喜歡香港的煮法多一點, 但份量夠大, 其他小吃也不錯.

pho 99

  

好味burger

另一家不知道什麼BURGER, 那個grilled chicken burger 好吃到不得了!!!! 我點了他們一款熱的rum 酒, 味道好strong, 飲完全身好溫暖.  我也在其他餐廳試了兩款酒, 一款是紅酒, 一款是tongba.  Tongba 是一種以小米釀製的傳統尼泊爾酒. 酒被放入一個金屬容器, 連飲管也是金屬的, 味道有點似跌打酒.  很有趣的體驗.

當然少不了傳統尼泊爾菜+紅酒

觀光

其中一天我去了距離加德滿都兩小時車程的Namobuda.  這個地方是喇嘛朋友介紹, 說風景很美麗.  我向wenepal 租了一輛車和guide前往Namobuda.  Guide帶我去了Namobuda 最大的廟, 原來這裡是佛陀割肉餵虎的聖地, 佛教徒有時間的話要來一來啊.

12月的天氣很好, 雖然很大風但陽光猛烈,在廟宇能清楚看到遠遠的雪山,  非常興奮!

SPA

今次也體驗了尼泊爾的SPA.  不要曼谷的相比.  但整體還是乾淨整潔. 只是天氣太凍所以暖氣不夠, 本人又急尿未能好好Enjoy.  60分鐘的按摩只要170 港幣左右, 不妨一試!

本文作者:  謝西嘉
本文為<謝西嘉的旅行日誌>原創文章，版權屬作者所有。
如非在http://jessicalovestravel.blogspot.com 網址讀到此文章，皆屬未經許可轉載。
未經本人同意拒絕任何形式轉載或複製(包含註明出處轉載、實時上載、RSS或其他方法)，本文作者將保留一切追究權利。