Barbapapa travels around the world

以上是我從2009年到2011年去過的幾個地方.  有多少個地方你認出來? (答案在下面)
今年希望可以去一些新的地方! 新年快樂!




















Top 由左至右:  1.巨石陣(stonehenge) 英國, 2. 鳥巢(北京, 中國), 3. 有馬Arima (關西,日本)
Middle: 1. 金字塔(Cairo), 埃及  2. 巴黎鐵塔 La Tour Eiffel   3. 愛丁堡堡壘 (Edinburgh Castle) 蘇格蘭
bottom: 1.  仙台 (Sendai) 日本  2. Musee du Louvre 羅浮宮 3. 阿貝辛布神殿  (Abu Simbel Temples)  埃及

那些瘋狂去泰國的年代---翻炒清邁 May 2006 (曼谷與清邁) Day 5

今日是Last day 在泰國了.  唉, 唔想番工.....

今日唯一行程就是JJ market.  7點半起身食早餐, 便爭取時間馬上出發. (今天早餐又係包場! 仲要自己斟奶茶咖啡)

今次是第3次去JJ market. 吸收了過往的經驗, 今次準備了:

1) JJ market地圖

2) 水

3) 毛巾

一行入去, 有個香港女仔走來問我, 那個印刷精美彩色的地圖響邊度拎. 當我回答個地圖是我上年黎的時候在JJ MARKET 門口派,  佢個樣極度苦惱, 就好似在JJ 已經迷路了幾個月~~~(但周小姐話見到佢係同我地一架BTS 黎的)  跟住佢又問, 咁我應該點行呀???  我地都"O"曬咀(即係咁--> (*O*;) ), 因為我之前兩次都冇地圖啦...我於是答了一個聽落好似好敷衍, 但其實是真心的答案:"隨心啦~~反正有地圖都係蕩失路又或者行唔曬的!"

上次問了朋友, 皮具在SECTION 7 (如果冇記錯), 所以第一站便去了SECTION 7.  是時間太早, 抑或我真係記錯?  (當時未夠10點) 完全唔見皮具噃.  算吧, 一路殺落去吧.   忙亂中又闖入了寵物區(=___=) 好多好多松鼠!!不過見到有3隻小貓頭鷹, 超卡娃衣!

一路殺殺殺, 見到T SHIRT 就買買買~~自備了shopping bag, 塞滿整整一個袋! 到底買了幾多件自己都唔知!!! 總是就係又平又靚!!   而且俾我搵到99B 的SINGHA BEER T SHIRT!

最開心是買了兩件Old stock addidas T Shirt!! 佢話是OLD STOCK, 不是SECOND HAND, 價錢是250B一件...唔....比起其他只是150B呀, 120B呀的T SHIRT, 這兩件都可算是貴價貨了!!!  最後都買了兩件, 因為貴極, 都只係港幣50 左右. 超值! (這間鋪是在SECTION 22)

(中間0個行左起第4件, 下面正中橙色那兩件就是 OLD STOCK)

由於天陰, 行得好舒服.  突然我醒起一個問題, 問周小姐:"我地坐幾多點機呀???" 佢竟然唔知........因為佢以為是我訂機票所以我會記得(=__=) 當然, 我自己都係唔知先問佢啫....

我只係記我7點幾到香港, 咁, 我估大約4點幾機啩.....

行到1點 依依不捨地離開JJ....1點半番到酒店打開張機票睇, Oh my god!!是4 PM sharp!!!! 我地未執好JJ 的戰利品而且未Check out!!!!!!!!!  立即將所有野放入行李箱衝去Check out, 而周小姐去截的士.  由於在我地離開酒店前開始行雷落雨, 等左幾分鐘都截唔到車, 好鬼驚...有個大叔走黎兜生意, 收我地500B去機場.  500B? 唔係啩? 我地黎的時候用METER 連TOLL WAY 都是170B.  酒店的BELL BOY 最後幫我地在街截了一架, 但要收200B...算啦, 俾佢賺少少啦, 因為落雨實在比較難截的士.

坐在的士, 如坐針氈.唔知點解司機唔行TOLL WAY 行多好多路...好彩星期六冇塞車咋!!! 但, 我仲要去退稅呢!!!!!! 而且 terminal 1 在邊度退稅都唔知!!!

1點4左右到達機場, 兵分兩路-我去退稅, 周小姐先去Check In Counter.  問左2個人退稅的地方都指錯了!! 激死!!!  到問第3次先問到正確位置!!!!!非常幸運竟然冇乜人退稅, 我推住行李車在terminal 1飛馳, 成功地趕及Check In!!!!

歡樂0既時光過得特別快, 又係時候同泰國講拜拜!!!

那些瘋狂去泰國的年代---翻炒清邁 May 2006 (曼谷與清邁) Day 4

今日已PLAN 好先去林真香換錢, 跟著殺去BIG C, MBK, SIAM 一帶, 夜晚殺去Suan Lum Night Bazzar.

可惜, 事情並非一如我地所料.......

先坐BTS 去AMARIN PLAZA換錢.

  (CHIT LOM 站的BECKHAM-PEPSI)

10點鐘左右去到, 搵林真香先....但係林真香響邊層?? 唔知喎...睇水牌又唔見.  忽然見到兩位貌似香港人的遊客, 抽住幾袋林真香.  茱利小姐馬上指住人的幾袋林真香, 好大聲的講:"咦!? 有喎!!"  那位已經中計的先生很好人馬上講我地知在6樓.  呢招真係幾駛得, 哈哈.

在出發去BIG C 前, 見到有間買"爸爸"的鋪頭喎, 入去望望先----呢一望, 望左成個鐘頭!! 又揀又試身, 又得一個FITTING ROOM, 冇辦法啦.  來泰國的其中一個目的就是入"爸爸"的貨嘛.

殺去BIG C, 先去3樓買"爸爸". 對, 又係"爸爸".  我地真係唔知到底試左幾耐"爸爸"和T-SHIRT, 我只知道起碼在3樓我地已經消耗了超過2個小時.....我好肚餓, 但心想行埋下面0個層先食飯啦.  唔會好耐啫, 我頂得住.

去到下面那一層, 馬上衝去買買買!!! 我開始餓到想嘔~~~

實在唔得了, 我要去試食!!!! 我快餓到暈了.  不顧儀態的走去買魚蛋的檔口面前企響度, 那位姐姐馬上給我一杯熱辣辣魚蛋連湯仲有幾塊菜.  實在太美味!!! 佢救了我一命!!!

充完電後再行, 卒之4點鐘我地先可以離開BIG C, 上去上面的FOOD COURT 食LUNCH!!  我地足足在BIG C逗留左4個鐘!  簡直不能想像!

不理三七廿一先來兩個COW 問計.  (又係COW 問計....) 5分鐘不夠食完, 周小姐再去買了一個豬肉丸粉, 而我就去買了一個好大個鮮芒果的MANGO STICKY RICE.  我都是第一次食呢... .真係娘~~~嘩!!個芒果又大又新鮮, 雖然係80B( COW 問計都只係25B咋) 但真係好好食!!! 食完我再去買多個魚蛋粉食先至夠飽.  兩個人連飲品只係用了200B, 真係抵到爛呀!!!!

先回酒店放低戰利品, 小休一會便殺去MBK.  一向都喜歡去MBK, 因為有冷氣, 買T-SHIRT 仲係99B 不設講價明碼實價.  可惜收穫不多, 只係買了兩件好正的T-SHIRT 送給朋友和男友.  今次來MBK 是想買多件SINGHA BEER 的T SHIRT.  去年年頭在MBK 買, 只是99B, 但今年已加到150B了, 而且冇我想買的顏色, 算吧!!!

行到8:30, 很多鋪都閂門, 我地便去了FUJI 食飯.  兩個人叫了刺身定食, POTATO SALAD (好好食!), 壽司, total都只是600B.

原本想飯後去SUAN LUM NIGHT BAZZAR的, 但我地邊食邊HUP 眼瞓的狀態似乎唔係幾得喎~~

再加上, 我地臨出發來MBK 前, 把所有(對, 是所有!) 戰利品鋪了在床上影相, 我地唔執拾點瞓覺?!!? 我地明日仲要去JJ MARKET 之後番香港的!!!

都係番去瞓吧~~

就係咁, 今日在Chit Lom 站一帶行了6個鐘, 簡直不可思議!!!!!

那些瘋狂去泰國的年代---翻炒清邁 May 2006 (曼谷與清邁) Day 3

4/5/2006  Day 3

今日傍晚會飛 Bangkok. 由於連續兩日太過勞累, 今日要輕鬆少少.  所謂的輕鬆, 仍然是早上8:30起床.  慢慢的嘆早餐, 約了day 1 的tuk tuk 司機somsak 11點來酒店, 便plan 行程.  由於一心來清邁是看風景寺廟古蹟,  shopping 留在Bangkok進行.

來清邁前看過一本台灣出版的旅遊書, 作者表示wiang ku kam 是一個值得一看的古城.  但我看了幾本地圖, 都是只看見東面有一個wat ku kam. wat 和 wiang?  是印刷上出錯嗎?  但wat 是寺廟的意思嘛....

當我放棄尋找,決定去wat ku kam 的時候, 隨手拿起身邊的地圖, 突然見到南面有wiang ku kam 的英語介紹!! 它說wiang ku kam 是一個ancient city, 就是這裡!!!!

我拿著地圖給somsak 看的時候, 見他面上閃過一絲猶豫....有點擔心問他"ok??"  佢馬上答"okok!!!" 但他卒之問了4次路才去到.....

Somsak在一個好像公園的地方停車, 那裡沒有遊人只見幾架馬車和幾位工作人員大叔.  真是這裡嗎??? 一點"古" 的感覺也沒有, 根本像個市鎮公園嘛~~我們下車四處看看, 見到有些古城的相片.  有位大叔行來 不停跟我們說泰文(我們真的似泰國人嗎?昨晚都有人說我們看起來不似香港人)我隱約聽到馬車的泰文, 又見他指著馬車, 應該是叫我們坐馬車吧?! 問問價錢 只是200b, 時間大約 45mins~1 hr.  坐馬車都要45mins?? 那應該是地方很大沒有辦法自己行了. 反正未坐過馬車而且又平決定試試.

大叔途中用泰文向我們介紹古城歷史(我想是吧??? 因為我除了LANNA和WAT 這兩個字, 其他沒法聽懂...)後來他都放棄了, 只是每停一處地方便 講一講名字, 都不理得我們是否聽得懂了.

正值中午, 周小姐的膊頭已經曬燶了. 而我, 已經化成地盤工友--raybay太陽眼鏡,  帽, 和一條濕毛巾搭頸!!!因為我感到頸後已經灼痛!!

古城地方頗大而且分散, 剛開始興致勃勃四處爬高爬低, 但後來熱得只有匆忙下車影完相便上車走了. 這樣都行了一個小時~~~

已到LUNCH TIME,又是決定往那裡食飯. 本想去MANDARIN ORIENTAL, 但Somsak 說要45分鐘.  沒有時間呢...因為我們今日要去曼谷.  唯有先回酒店check out, 之後便到酒店附近的法國餐廳 Le Coq 'd Or 吃吧.

http://www.lecoqdorchiangmai.com/

聽說這餐廳多次獲選清邁10大餐廳, 公主都經常去的.  當日去到 除了我們, 還有一個外國人, 和兩個講廣東話的人.  後來他們走了之後 我們便包場了.  環境裝修都很優雅, 一向說話大大聲的我倆有點不習慣.

我們吃了:

1) 鵝肝老虎蝦salad

2) French Onion Soup

送的sherbet, 用來清清味蕾

3)  Lobester Ravioli(我的main course)

4)  Pan Fried of Duck Breast with Orange source(周小姐的)

花瓜和老虎蝦salad味道一流, 老虎蝦salad勁有蝦味!  我的ravioli 上菜的時候, 我呆了~~~這個價錢但 只有6粒細過灣仔水餃的ravioli!!!!??????? 但一放入口-----唔....唔...直到在還回味無窮. 龍蝦的鮮味足以彌補它的貴!!!食到矇起眼!!!!(在這間餐廳所影的每一張相, 都是最真的我---見到美味食物開心得見牙唔見眼, 雙下爬都跑出來了~~~)

這一餐, 食了個多小時.   由於時間緊迫, 沒有吃甜品和飲咖啡便走了.  這餐吃了3千幾baht.  以泰國的standard來說, 是超貴的.  但這樣的食物水準和環境, 在香港根本沒有可能吧~~所以還是覺得值得的.

匆匆回酒店帶回行李便出發往機場我還是第一次帶著巨型行李坐tuk tuk....真的擔心行李會飛出來!

check in 後去飲了杯涷咖啡. 天啊, 飲了之後竟然在機場肚痾!!!!! 還3次之多!!!!幸好飛機delay, 幸好情況轉好時才上機否則不堪設想!

安全抵達曼谷立即飛的往asia hotel.  曼谷=塞車... 放低行李洗個面, 馬上去siam paragon 食飯.  去到已經9:20了.  周小姐說這裡的海南雞飯好好食, 那我便一於"cow 問計"吧! 那個師傅樣子十分似中年~吳彥祖, 我們坐在他檔口前, 一邊食飯一邊看著他斬雞 都幾好feel, 哈哈!

食飽後去了那個大supermarket 逛, 可惜他們已要關門了.唯有失望地離開.  我們打算打的往suan lum night bazzar, 但截不到的士, 在paragon 門前的的士全部獅子開大口, 要150b. 我們決定放棄, 決定行往mbk, 看看有沒有地檔. 可惜只有幾檔而且貨品不大吸引, 於是便回酒店休息.

今日的大出血就發生在酒店.  酒店入口有一間賣蝴蝶袋的!!!!  我便在這裡買了幾對拖鞋給阿媽阿姨們做手信了~