090911 毒女與孻女的北京之旅-Day 3

是日行程---北京同仁堂, 天安門廣場與故宮. 一般人到同仁堂都會買藥材, 又或者中成藥. 但茂利兩名一個買美白mask與纖維粉, 一個就買美白產品和-----喇叭牌正露丸............. 難怪店員都沒好氣, 眼尾都懶得望一眼

之後便出發到天安門廣場. 天氣非常好, 風很大太陽很猛, 吹到站不穩又曬到頭暈. 天安門真的很大很有氣勢, 我四處張望, 心裡在想難怪當年可以有這麼多的學生聚集....



其間看到兩次阿兵哥換崗, 魔人說有些阿兵哥很帥, 可惜我望到的很高身型不錯但都是不帥的黃毛小子,可惜可惜!!!!!!!

吃過一頓廣東午餐, 出發到故宮. 心裡有一點點興奮.

導遊帶我們過了一道門(是不是午門? 相隔太久忘了 =__=), 看到了如此景象:

我馬上"嘩~~~~" 的叫了出來. 眼前的景象真的是非常壯觀. 在我記憶當中, 上一次"嘩~~"一聲叫出來是在台北天成飯店旁邊看到7-11..........................

真的很慚愧 XDDD 7-11與故宮實在不能相比吧 XDDDDD

故宮實在太大, 短短的3小時都只能跑馬看花. 故宮博物院的展品都未能好好看清楚, 匆匆的看了慈禧太后的寢室, 珍寶館那些便去到重頭戲---珍妃井.



看罷珍妃井便要離開故宮. 離開時經過這條窄巷.

導遊說, 以前的宮女和太監便是在這條巷如廁, 男左女右面對面.

老實說, 那一刻我突然覺得有點陰寒............眼前好像有幾十個宮女太監在我面前踎在地上邊如廁邊閒話家常....

故宮歷史悠久, 每天不少宮女太監妃子大臣被逼害處死, 加上開始天陰又有風, 氣氛不是不陰森的.

於是我拍下上面的一張照片. 心想會不會拍到一些什麼 XDD

去食晚飯途中經過大褲襠--CCTV.
我旁邊的人睡得昏死.

吃罷一餐很難食的晚餐便去了紅劇場看表演. 我8月在倫敦時曾看見此表演在彼邦表演, 是關於一個少林僧人的故事, 集功夫舞蹈於一身. 很熱鬧, 不錯, 但價錢真的不便宜.

看完表演回酒店, 繼續死蛇難鱔的看那個幾十個電視台但每一個都看不下去的電視.

090910 毒女與孻女的北京之旅-Day 2

是日主打行程為頤和園與長城.
繼續天晴, 曬到阿媽都唔認得. 但天氣乾燥, 所以都唔覺得太辛苦.
頤和園係以前慈禧太后住的地方, 大就係大喇, 但感覺冇乜特別, 行左一陣坐左一陣船, 遊下湖就走左去食飯. 之後再去全程最期待的長城.

去到居庸關, 導遊指一指一個紅色屋頂之後說: 拿, 去到0個度就番轉頭喇. 應該一個鐘頭就行完, 而家俾足兩個鐘你地, 慢慢行邊行邊影相啦.
心諗, 車, 唔係好遠啫, 洗唔洗兩粒鐘呀…..
點知…..
差d命都俾埋佢.
又斜石頭又高又曬又大風. 又要擔遮又要扶住把手上石級, 狼狽不堪.
行左一小段,已經要歇一歇. 好幾次我差d企唔穩重心向後傾look 落樓梯, 諗番都幾危險!!
不過真係好值得去長城做好漢, 因為真係好壯觀!!
響一個咁好天氣又壯觀0既地方, 本人突然好想做一件事..............
跳!!!
上次去九分因為唔知道部相機有連環快拍, 所以失敗左...今次跳多一次!!
第一張就影到喇!!!!!姿勢又ok 喎!!!!!

呢幾張係向下墜之後影的.

之後換了一個地點, 諗住再跳, 點知失敗之餘, 仲要係半空之中拉親條筋!!落地一刻差d仆街@長城!

失敗之作

下次真係要拉筋先好跳, 唔係講笑!!!因為要跳得高,手腳大字型張開, 要呈現出動感原來真係要好大運動量和power!!

扭親條筋攪到個籮柚痛左一日...

090909 毒女與孻女的北京之旅

無情白事某星期日, 毒女(即本人) 與孻女(即魔二) 失驚無神的在5分鐘之內決定了去北京.

由於二人皆懶到爆, 冇人諗過去自由行. 儘管身邊不少人不停發表北京可以自由行的偉論~係, 我知, 邊度唔可以自由行?(我估北韓吧)只不過我唔想plan, 魔二? 算吧....買了北京旅遊書揭了兩頁便將本書交俾我叫我睇, 本書而家仲響我屋企!! 我都係睇左幾頁..........

090909, 09:09, 在香港機場準備入閘.

上午十點多國航飛北京, 飛機餐甜品竟是haagen dazs 雲呢拿雪糕!!

落機後馬上去睇水立方和鳥巢. 水立方的表面原來真係一塊膠膜!! 未去之前對水立方有好大期望, 入到去原來好細!!! 相反鳥巢就壯觀好多!!

第一日北京天氣非常好, 藍天白雲秋高氣爽. 雖然有d 曬, 但一d都唔覺得熱. D 風吹來好爽, 完全同香港唔同感覺, 非常正!!

由於跟團的關係, 晚餐都唔會expect有幾好, 不過第一晚食餃子, 都唔錯,因為我好中意食餃子!!!而且那個醋浸蒜頭更加係一流!! 人間極品呀!!!!
食完晚去了王府井大街, 成條街都係名牌冇乜特別. 最特別都係那些會郁的蝎子和炸海星!!!!

酒店係5星, 設備果然唔錯. 最令人"吃驚"係廁所同床之間那個大玻璃窗......................................

兩條友馬上撲向廁所那度百葉簾, 睇下有冇繩之類的物體去較百葉簾的角度.

係冇.

睇得清清楚楚.

唯有響浴缸上面掛條繩, 晾起條大毛巾遮一遮啦.

當本人響如此先進又大又靚嘅廁所辦完大事洗手時, 赫然發現那塊小圓鏡下面有個電制.

八八卦卦按下去., "轟轟轟" 的響左幾下.

咦,到底係邊一度郁左呢?

再按多幾次先.....我再左望右望竟然見到那塊百葉簾的角度改變中!!

原來先進到咁...兩個鄉下人仲去不停搵繩諗住拉個百葉簾.....好彩發現得仲算早, 我仲未沖涼.....

呢一晚, 好早就訓左.....張床好舒服.....

Day 21 Last day in London

今天是最後一天在英國了,晚上坐10點多的飛機回香港. 昨晚一場大雨, 馬上患了重感冒. 曾經一度停止的咳嗽再次番發.

人累不特止, 還要不停的咳, 如此狀況上機不給歧視才怪!! 在boots 狂掃了喉糖敏感藥, 希望能夠在上機前, 止一止咳.

先在酒店check out, 分了兩次把行李搬下樓, 喘氣喘了幾分鐘. call了一部mini cab 到paddington station 寄存行李, 之後回公司和同事們見最後一面.

由於第一天買了的電話card還有無數的餘額, 所以在paddington station 連打了3個電話回香港.....不停講講講, 時間還是過得很慢...............而且很累很辛苦.

因為吃了藥的關係整個人都是處於迷糊狀態, 原本是說好3點左右回公司最後還是因為無處容身1點多便回去坐.

好不容易捱到5點鐘, 大家便去了pub happy hour 幫我送行. 由於一早已經網上check in, 加上heathrow express班次密又快, 最重要的是不捨得走, 於是拖拖拉拉的8點3才離開pub.9點左右便到了heathrow.

在飛機不停的吃退燒藥, 感冒藥, 希望不會在香港機場給人捉住隔離. 到達hk機場我還是戴著口罩, 我決定自首申報自己有咳, 給捉去隔離站探熱. 最後都是沒有發燒.

3星期的英國之旅, 就是在狂咳之下結束.

Day 20 Greenwich 格林威治

這就是那條奪命長梯~

因為房間沒有冷氣沒有風扇,打開窗睡覺睡夢中聞到很香的多士味道~~香得有點令人窒息!!! 原來是酒店準備早餐了~ 所謂酒店, 其實是B & B, 餐廳很細, 要排隊吃早餐, 但竟然比UMI HOTEL 更豐富!!!

今天決定去Greenwich 走一走, 所以坐了"英國輕鐵". 沿途看到的景色和London很不同. London 看到的是比較舊的building, 但前往Greenwich 見到的都是很新的大廈.

greenwich 最出名當然是那條分開東西半球的子午線. 所有人都企在線上面分開兩腳擺pose 影相....

greenwich park入面有一片大草地, 我也入鄉隨俗, 找個樹蔭學人坐一坐, 瞓一瞓,休息一下~ 由於天氣太好, 在greenwich park 走了一圈已經曬黑了... 離開greenwich前去了greenwich market 逛逛. 入面賣的也是vintage goods, 但吸引我的卻是那些自家製家鄉小食.

這是polish food, 只售三磅多點, 但那幾個薯仔和香腸是一級美味!! 另外酸什菜也非常好食, 而且加上我最喜歡的pickles, 簡直回味無窮!!

回到London, 又去了另一個gallery--Tate. 老實說, 現在問我這個gallery有什麼特別好看的藝術品我都忘記了. 這幾天去了幾個galleries 和museum, 唯獨是這個印象不深. 是我不懂欣賞還是太累我也不清楚.....
晚上突然下太雨. 這幾日在Edinburgh 甚至今早出門都是大晴天, 所以把袋了3星期的雨傘放在酒店. 而且多日來發現下雨半小時左右便會停雨. 怎知這場雨越下越大, 完全沒有停的跡象. 冒雨去了巴士站坐車回酒店, 再出外買了個Burger 便在酒店上網休息. 就是這一場雨, 另我再次患上重感冒............

Day 19--Edinburgh 回 London了

在英國3星期,最好的早餐

熱鬧的街頭

去錯了月台............差點上錯車.

(沒有寫時間的呀!!!!)

下午5點半火車由Edinburgh回London, 所以決定先在Edinburgh買手信, 之後join 一個免費的walking tour~
正當我等候tour 開始的時候竟然看到一個很眼熟的人----昨天去Loch Ness坐在我旁邊的男子!!!!

世界真的細得恐怖!!!

此walking tour 真的是免費, 導遊的入收全決定於我們的小費. 導遊是一個年青的倫敦女子, 非常落力的講解又唱又做, 原本是3小時的tour 行了3.5 hr 都未完, 唯有小費都未俾中途離開, 匆匆的回酒店拿行李趕去火車站.

到了火車站發覺有一班5:00pm 開往London 的火車. 5:00pm?? 不是5:30 嗎? 提早了????馬上衝到mark and spencer 買了三文治和橙汁打算上車食. 因為5小時的火車不吃點東西會餓死的呀...去到月台 心血來潮問問服務員, 才發覺我那張ticket 是5:30PM, 不是5:00pm, 應該去另一個月台等!!!

我把我的火車票反覆看了十幾二十次我都看不到有時間寫在上面. 她如何知道那張是5:30????

既然去錯月台又有時間, 只好慢慢的坐低把三文治吃完再行過去吧...怎知道兩個月台距離頗遠, 拿著一袋二袋的我真的累得要死.........

五個小時車程回到London, 隨便在KFC 買了一個fish burger 回酒店. 由於我是再check in, 酒店給我另一間房間-----房間在第3層, 還要上一條極度狹窄的猶如閣樓的地方!!!!!!!!!!!!!!

天呀!!!!!!!!!!!!!! 我估我面色應該是突然變青, 酒店的叔叔馬上幫我拿上去. 其實, 我只是拿著一個小小的旅行袋上到房, 已經有點氣喘, 那我check out 那天怎麼辦!!!!!!???????