跳去day 13 先............

其實唔知道呢一篇blog 應唔應該放響呢度. 不過因為係發生響英國, 便順便放響呢度.
過去一個星期實質的training 其實是零. 冇一個人得閒理我, 而我一日到黑都被安排上不同training, 開唔關我事的會, 和無數的inductions.
今個星期一開始擔心, 究竟我過黎學乜架.
問了HR, 她說附近train 我的人病左, 隨便找了一個finance 的人train 我一日. 第二日負責人聲稱要開會, 開完會搵我. 開完之後完全冇理我, 好心的finance 人唯有繼續train 我, 雖然我地兩個都唔知道, 到底佢教的, 係唔係我今次黎學的...............負責人坐響後面, 聽住我地講足一日都冇出聲, 咁...即係冇問題啦.
臨放工,負責人話聽日credit control會train 我.
星期三, 上午我依然冇野做. 冇人理我. 唯有又跟好心人學野. credit control 說下午會教我喎, 點知15分鐘講完.
放工.
星期四, 開左一個上午會, 發覺呢間公司真係好很中意開會. 同埋有一d 唔知乜野人好中意搵野俾人做. 呢班人完全冇野搵野做. 增加其他人的工作負擔.
下午依然冇人理我. 我同好心人講, 邊個邊個叫你教我xxx喎. 好心人好奇怪點解要佢教, 但負責人聯同其他人都話我要知喎,..咁好心人咪講囉.
點知CEO 見到好心人教我, 之後質詢好心人點解教我一D 根本我唔需要知0既野!!???原來我學左幾日0既, 根本唔係我黎uk training 要學0既.
好心人被質詢, 嚇到口窒窒, 乜都講唔到.
放工, 見到CEO 和HR manager 細細聲密斟. 好心人好擔心....佢驚CEO 和HR MANAGER 之後會去質詢負責人點解唔教我野,我奇怪點解好心人咁驚. 原來呢個Department 係全公司最多辦公室政治最多的地方.
老實講, 黎左個幾星期, 我身處呢個department 係令我最唔自在的地方. 假, 推卸責任, 篤背脊, 打小報告. 到底係唔係女人多的department 就會係咁??

呢一刻, 我有d擔心. 我驚我番到去, 上司問我學左d 乜我一d 都答唔出...又或者學左一d野根本對hk office 冇幫助. 雖然我根本唔知我黎到底要學乜.
我見到有心人驚到震個樣, 覺得好似累左佢.
聽日如果ceo 真係同負責人講我train 錯野, 有心人一定冇運行.

DAY 7-happy hour!

(Ingela, from Sweden)

每日依然在聽書,依然在發白夢, 正式的training 仍然未開始.
一早約好今晚和同事放工happy hour. 五點一到, 大家馬上收拾離開. 我們是全場最嘈, 令我想起香港的一班同學......

CEO 又來湊熱鬧, 但大部分人無視他的存在, 他也很樂意企在一旁和少數同事在吹水!

這班人一直由五點飲到九點多, 沒有離開的意圖. 我已餓得發慌, 和兩個同事提早離開去食遲來的Dinner. 今晚食的是希臘菜.

是晚精彩事件:

1) 一名醉漢走到我旁邊說了一大堆說話. 全人類目定口呆. 我以為是一個我不認得的同事, 和他say hi.........他鬼食泥般說了一堆說話突然離開...大家過了5秒才定過神來大笑!!

2) 當我們食dinner 時, 一名剛從酒吧離開的女同事走到我們餐廳玻璃窗前, 掀起上衣向我們露胸!!!!!!!!!!!!

又一次目定口呆!!

DAY 6-THE BRITISH MUSEUM 大英博物館

今日本來打算一個人去British museum, 怎料同事想加入, 那好吧...... 來了幾天, 所有人都向我推荐London 的museum 而且人人都知道每個museum的特色, 我覺得這方面和香港人非常不同. 可能我們真的沒有歷史的一群?????

見到BM 才知什麼叫嘆為觀止, 真的大開眼界. 最吸引我是最大型的埃及區, 希臘區所以便先去參觀, 之後再到亞洲區. 我一直以為能夠在BM看到那些什麼圓明園的牛頭豬頭, 原來是沒有的..,.. 最最最有趣的是木乃伊. 從來只知道埃及人和貓死後會被人製成木乃伊, 但我在BM除了看到人和貓, 更看到有蛇, 魚, 鱔, 牛和鱷魚!!!!

和同事說起為什麼有蛇有鱔, 但沒有狗Mummy? 她說, 所有狗都給中國人食了.........

不能用文字去形容那種BM氣勢, 看看FB的相吧. 看相只能感受到百分之一的氣勢~ British museum 值得我放棄了行topshop 的時間. 一日都行不完.

去了BM, 同事的朋友帶了我們去食Caribbean food, 在tottenham road tube station行5分鐘左右便到. 地方很細但非常好食, 一流!!!

DAY 5 London- Hamleys

(My lunch)

幾層樓的玩具店-hamleys

(非常出名的bear bear 熊, 一百英磅)

Day 5 wed
上班沒事可做, 每日在plan 放工後的節目!

lunch 和新同事去尋找FISH AND CHIPS!!! 因為他是加拿大人, 兩個初到貴境的人來到英國當然要試試最地道的FISH AND CHIPS!

今日的節目是陪公司的同事到oxford circus 專for 大胸女士的lingerie shop退貨refund….再陪她去了hamley 睇玩具…唉早知我自己shopping 好過…
晚上又是食pizza. 暫時是目前為止最沉悶的一日....

DAY 4 London

(我住的酒店附近都是一模一樣的酒店......頭幾日每日蕩失路)

同事知我喜歡日本菜, lunch 一齊去了食迴轉壽司. 我覺得我能夠住在香港實在太幸福....

壽司又貴又唔好食, 60% off 之後仲要GBP 10!!!不新鮮選擇少最重要是貴!
一如前兩天, 一到下午便發作恰眼訓, 幾經辛苦捱了3個Induction, 只聽懂一成, 其餘時間在發夢…………因為本人
 1) 對於新科技產品如太陽能電筒和攞你命三千等等不認識之如亦很抗拒;

2) technical terms/jargon 又多,仲要是英文
3) JET LAG
4) 既然做了幾個月都沒有大問題 所以全程在發夢....

好辛苦到放工office manger 便帶我去happy hour.
那間酒吧在地牢, 又黑又熱又殘舊, 就像一班穴居人聚集!!飲了一杯white wine, 吹水天南地北肚餓便去食飯.
Office manager 最後選了法國菜, 很好. 今次來英國希望能食到不同國家的食品. 來了幾日經發現, 走在街上沒幾個人是說英文的, London 的確是一個大都會!!!!

我們吃了CHESSE FOUNDE ,非常精彩, main course的 lamb rack 略嫌熟了一點. 甜品cream brulee 和香港吃的差不多. 但是在一個很愉快的氣氛下食了幾小時. 雖說manger 是用公司錢請食飯, 但同事們/manager們抽空一個一個的輪住陪我/請我食飯/幫我安排節目, (連CEO 都走來Happy hour!)日日幫我編排行程(忙過番工), 真的非常感激.
不過有時候我想一個人..........

Cheese Founde

Lamb Rack

Day 3 London

冰冷早餐again

mark& spencer 內很多種類的chips, 顏色好靚

在清晨5:45分自然醒…………
6時多決定起床, 執行李看電視, 打這個blog…………
今天第一日去番工, 希望不會安排得太緊密. 今日亦有一位cs 新同事上班, 我覺得有一個新人一起會比較減低對我的attention, 對我來說絕對會是好事.

由於是第一天, 而且我的頂頭大姐逄星期一,五不上班, 我基本上沒事可做…大家姐安排了3個INDUCTION 給我,等我這個在公司上班有5個月的人去認識一下公司. 可惜我依然都是聽不懂….之後其餘時間都是在吹水, 和”中眼訓” .
中午OFFICE MANAGER 請我去食土耳其菜, 老實說真的不太特別. 我order LAMB BROCHUETTS-拿著那個menu, 很多字不認識………………那個brochuetts 也是跟著同事講!

原本打算放工一個人shopping 完之後早早上床睡覺, 怎料熱情的同事卻走來說要帶我吃些特別的….盛情難卻, 約好時間我先去shopping再回hotel 小休再和他食飯
公司附近有個shopping mall. 那個mall, 不要說香港, 連vancouver downtown, 甚至oakridge 甚至Richmond center 也比它大..不過, 算吧. 有mark & spencer , zara, gap, h & m 也勉強收貨. Zara 大減價, 給洗劫一番之後的景象卻不見得特別平. 在亂葬崗找了一輪, 找到兩件t shiirt共 GBP 9,9---算很平了. 而且是在亂葬找出來而非掛出來都要這個價錢!!

到約定時間會合了同事 ,原來他之前說的帶我食something special 是pizza,………..不過那間小店由意大利廚師主理, 很casual 卻很好味. 兩個人ko 了一個貨車軚咁大的pizza, 飽到上心口!! 埋單時同事說要來一個意式完結. Order 了”limoncello” 起初我以為是檸檬汁, 怎知一喝下去五官扭曲,. 酒清達40度高得燒喉嚨!!!!!一飲完已經覺得wing, 因為之前已飲了一杯紅酒,廚師後來在埋單之後再送多一杯,飲完我落basement 上廁所都要扶著樓梯以免滾落樓. 之後更覺得自己有點口齒不清, 幸好還可以行回酒店.

攰到馬上攤上床.

Day 2 London Portabello Market, 白金漢宮, Convent Garden

行程超級緊密的一日
早上六點幾突然扎醒. 聽到樓上行來行去地板響. 給嘈醒後沒有辦法再入睡, 加上昨晚睡得很好, 精神飽滿決定起床. 下樓吃早餐時7點多.. 酒店送的是一個continetal breakfast. 看見menu, 我馬上覺得這幾個星期應該很痛苦---只是第一天我已有此感覺是不是太過份—但在香港每天都食”熱”早餐 的我, 看著這個全個早餐只有杯茶是熱的時候, 心裡馬上涼了一大截.!!!






很沮喪的吃完早餐, 決定往Portabello Market 行一行. 可惜: 1) 原來我手上的MAP和GUIDE BOOK 全都是簡單非常, 有大部分街名是沒有寫在地圖上面! 2) 時間實在太早,天氣好涷, 沒有辦法在地圖找到自己想去的地方很痛苦. 今日又是那一句: 沒有冷病是一個奇蹟.


行完PORTABELLO MARKET 都未夠10點半.可想而知有幾早….因為九成九商店是未開門!! 決定前往HYDE PARKCORNER 找找那個free walking tour 的導遊去行Buckingham palace 大笨鐘等等遊客必到之地. Coffee shop 的女仔教我坐巴士會更快捷方面, 可惜她指路講得不太清楚, 又花了一段時間找52號巴士..幸好巴士站指示非常清晰! 去到Hyde park corner 未夠11點,,,見到滿街都是遊客而且都是往同一方向行. 我相信大家的目的地都是白金漢宮. 於是我決定不等那個tour guide 自已行. 經過那條很長滿是大樹的大道就到達Buckingham palace. 已經有成千上萬人在等候11點半開始那個changing of guards. 我是會做盡典型遊客會做的事的一種人, 當然企定等睇. 可惜一如以往, 霸的位置又攪錯了, 只能千里之外看著一些人頭行來行去…………..不過還是很高興的. 有機會到Buckingham Palace都是興奮的事. 在Buckingham Palace 範圍附近跟著人潮基本上能去到所有主要的景點.於是我跟著人潮去了大笨鐘, Westminster Abby, 10downing street 等. 但由於本人另有事務在身, 未能繼續去沿著Thames river 漫遊.

我跟著地圖去了TRALAGAR SQUARE, 食住大風望住那份大部份街名都遺漏的地圖,幾經艱辛的去到目的地—倫敦華埠! 今次主要目的是看看有沒有旅行團是去SCOTLAND,可惜大部分時間不合. 而本人又極懶, 不想自己plan….還有兩星期, 到時看看怎樣吧~

(the Big Ben)

看到Chinatown那些中華美食實在引不起我的食慾, 最後竟然去了一間日本餐廳. LONDON 的生活指數實在太高,了, 但又不想虧待自己的肚皮—我實在太想食飯-所以ORDER 一個雞的TERIYAKI 便當, 承惠GBP15.5! 如此的東西如此的水準, 在香港只值65港元. 買了電話CARD 後行著行著, 又不知自己去了那裡. 於是便隨心而行, 那裡人多就跟…跟著跟著, 竟去了COVENT GARDEN. 由於實在太涷. 一定要買衫. 最後又入了H & M…….去了COVENT GARDEN MARKET見識 看到很多賣藝的人, 變魔術雜耍女高音JAZZ扮石像…… 但最最最精彩的, 竟是是一名女子當街換褲, 粉紫色LACE T back 內膽清楚顯示人前. 不少男人都目定口呆之後偷笑! 我都忍不住望了兩眼!可惜很並不是很FIRM 的一個躉………

(Convent Garden)
(Convent Garden)

行完CONVENT之後便坐Underground 回酒店. 轉了兩次車, 在所有轉車站都有音樂表演-結他, 色士風和鋼琴, 很精彩, 那些轉車站 行的路非常多, 還要上樓梯下樓梯上電梯, 對於腳勁痛的我來說, 真是折磨. 實在太累太痛, 在bayswater 買了subway 回酒店當晚餐. 又一如以往, 拿著那本簡單不堪的地圖,又再一次走多很多冤枉路……….. 今日行了差不多non stop 的行了9小時, 現在雙腳和上身已分離. 仍未習慣時差, 現在肉體和靈魂已分離. Hk 時間早上5:35, 很眼訓…………

day 1 continue...in UK

估不到12小時50分鐘的時間覺得一點也不辛苦. 看了3齣電 影+the simpons +獎門人, 中間小睡片刻時間好快過. 連買上飛機的雜誌也沒有看!

上機delay , 落機也因為機場太繁忙沒有停泊的地方而呆坐了半個鐘, 去到immigration 超級多人, 等了差不多45分鐘才過關拎行李. 坐上heathrow express 去padditon 再轉的士去酒店都雖然非常快, 但check in完畢已經差不多11點, 攰到死打算食完杯面訓覺明天再計劃行程. 打開酒店房門嚇一跳...房間細得很, 行路時地板吱吱響.,…..
洗完頭, 換上短褲準備吃已經整好的杯面.,突然……………….火警鐘響!!!?????
我拿住匙card 探頭出去望, 真的見到一大班人衣衫不整的衝落樓梯!!!有一個鬼妹一邊穿外套,一邊望住我叫我馬上落樓!! 嚇得我個濕住未乾, 穿住短褲拖鞋就跑落4樓.
15度氣溫, 7月夏天的倫敦非常涼.一街都是衣衫不整的住客. 有些沒有穿鞋, 有些一邊跑一邊扣褲鈕….在酒店外等了十多分鐘已覺得好涷. 今次沒有傷風感冒的話將會是個奇蹟.

現在是英國時間00:24, 香港時間7:24AM. 立即訓覺免得過了時間睡不著!
好眼訓.

本人的走火警look--誤打誤撞的帶了條泰拳褲當睡褲, 所以走火警look 不至於太難睇

Day 1 Hong Kong -> London

經過昨晚急症鬧劇, 回到家中已餓到半死, 又餓又累. 本打算徹夜不眠, 點知兩點已經上床大覺訓.

下午兩時的飛機, 一早已給左右護法護送到機場, 無所事事, 寫下這個BLOG. 多得機場的免費WI-FI.

倒數最後一天

倒數的最後一天, 入了急症室. 花了2個多小時在醫院檢查, 嚇餐飽的回家. 幸好今晚急症室人很少, 醫生的轉介信寫得很嚴重, 才可以短短2個多小時完成.

經典系列之一.

前言

一向喜歡四處開新blog-舊的寫著寫著沒有新鮮感便會另開新地頭.
這個新地頭本來純粹是為我的英國之旅而開立. 打算每日把我在英國的生活update和香港的朋友保持緊密聯絡. 但當我回香港這個BLOG 便會關門大吉豈不是有點浪費? 那不如專開一個地方寫寫旅行吧.
4天後這個時間, 我將會在機場準備上機了.