今晚會乘坐19: 13分的Euro star 番去London. 趁住最後一日決定去Chinatown 行下. 之前聽新朋友大約講過China town響邊一區. 我只記得個metro 站係有"I'vry" 呢個字. 但有兩個站都有呢個字噃, 一個係Porte d'Ivry 一個係Mairie D'Ivry. 咁我決定去左Porte d'Ivry先. 一出站如果一個中文字都見唔到應該就係去錯地方啦.
講開又講, 巴黎Metro d 名都幾混亂, 好多個都差唔多名!
Mairie de Saint-Ouen, Porte Sanit-Ouen, Saint-Ouen
Mairie de Clichy, Porte de Clichy, Place de Clichy
Mairie d'Ivry, Porte d'Ivry
如果剩係記住最後0個個字就真係瀨野.
你話如果香港港鐵站係咁樣, 你話會點?
銅鑼灣, 銅鑼慳, 銅鑼爭
油麻地, 油麻梨, 油麻幾
記死d 遊客啦.....
去左Porte d'Ivry馬上見到中文字. 但完全睇唔出任何似Chinatown 的感覺. 人少, 中國人更少. 除左有一兩間凍肉店之外就完全見唔到任何餐廳. 正在沮喪之際見到一個拎住中文字雜貨店購物袋的阿伯行過, 決定偷偷地跟住佢........
跟下跟下, 竟然響紅綠燈俾阿伯撇甩左! 憑直覺選擇左行一條小路, 發現左一間華人超市. 走入去用普通話問人Chinatown 的位置, 原來過多兩條街就係, 總算今次冇揀錯路!
呢個Chinatown 同我想像非常唔同. Vancouver, Toronto, 甚至響神戶的中華街, 華人商店都比較密, 街上行人(中國人)非常多. 但巴黎呢一度人少唔在講, 寫住中文的商店更係少之又少(相比Vancouver 來講) 一路行一路行, 開始見到有d 麵包店, 小型雜貨店和中國餐廳. 見到更多的係越南牛河的餐廳. 一直聽聞巴黎多越南人, 所以今日我的目的就係黎食越南牛河. 但係有咁多, 應該去邊間呢??
行過呢一間, 人好多. 應該會唔錯. 剛好有人埋單於是我就揀左呢一間喇. 今日亦係我黎左巴黎幾日以來, 第二次坐響路邊食飯咋......今日天氣唔錯, 有d 風, 係坐室外的好日子.
呢個生牛河, 要7個幾euro. 即係港幣八十幾蚊.
不過, 點解生牛河d 牛肉係完全熟0既????? 仲有, 越南餐廳冇越南咖啡0既?不過食完之後一d 都唔口渴, 要讚!!
行過麵包店, 見到有越南法包. 可惜我飽飽地, 雖然好想試但係都冇食到. 每一次見到法包, 都會勾起我響溫哥華的美好回憶.....
呢間就係我問路的超級市場. 入面係播緊譚詠麟的夏日寒風架!! 時光倒流的感覺! 見到有星島日報歐洲版, 就用左兩蚊歐羅買左番去, 因為好關心張柏芝一家的近況!! :-D
離開chinatown, 去了公司的 office manager 介紹的 Les Catacombes. Les Catacombes 係一個地下骸骨安置場. 擺放左600萬柱的骸骨. 入面的骸骨, 應該會比柬埔寨的Killing field 多吧? 不過兩者性質又唔同嘅.
Les Catacombes 的小資料:
響門口望到, 入去Les Catacombes係要行一條好長好長的樓梯落去. 而且仲會限制入場人數. 我攰到半死, 再行一大段路落去真係會全死....見到有好多好多人排隊. 我同自己講過我唔想再排隊!!!!所以就離開左而去左Musee d'Orsay 奧塞美術館.
 |
| 入口 |
 |
| 好長的人龍.... |
 |
| RER C線Musee d'orsay 站出口. |
奧塞美術館響塞納河伴. 乘坐RER 響Musee D'Oray 站一出去就係. 響RER站入面就見到呢一張用色非常靚的梵高自畫像.
一出到去, 又係見到排長龍...............我唔會再排隊!!!! 我冇時間!!
最後一個要去的景點, 係我最中意的亞歷山大三世橋. 雖然已經行過幾次, 但每一次都覺得呢一條橋上面的雕刻非常靚. 而從橋上望到四周圍的景色如Invalides, 鐵塔等等都係美不勝收.
 |
| 呢個方向就係去香榭麗舍大道 |
 |
| 終於睇清楚invalides, 冇俾太陽曬盲我 |
 |
| 塞納河, 再見了!! |
時間差不多, 本人決定要在離開巴黎前去
Champs-Elysees 的LV 總壇朝聖. 冇理由去到巴黎連LV 都唔去架嘛. 之前去過
St. Germain des Prés那一間不過面積比較細. 所以我就由Invalides 坐番metro 去香榭麗舍大道.
 |
| metro 內的繪畫 |
去了總壇, 本來只打算參觀下. 但俾一個深紫色小錢包迷住.....四次回望終於忍唔住將佢據為已有!!!! LV 的sales 姐姐有禮笑容可掬兼且滋油淡定. 我想買那個wallet 全店只剩下一個. 要問經理可唔可以賣俾我, 加上俾錢辦退稅, 佢仲幫我慢慢將所有手指摸抹得乾乾淨淨. 全程花了最少半小時....我已經急到發神經,因為當時已經4點幾!!!!! 我仲要番去酒店拎行李再坐車去Gare du Nord 坐eurostar 番London噃!!!!
sales 姐姐幫我攪掂所有野, 仲送埋我出門口. 相比在店內飲緊香檳的國內大客, 我買少少野得到如此招待簡直係多日以來最好的待遇!! 一出LV 門口立即以9秒9速度跑去坐METRO! 撞正下班時間跟一大班法國男人逼響冇冷氣車廂. 熱到標汗郁都唔郁得, 仲要有兩個男人響車廂差D 大打出手.
如坐針氈急如熱鍋上的螞蟻終於到左酒店, 唔理價錢立即叫酒店幫我CALL 的士. 當時已經5點! 我係坐7點13分的火車喎, 的士塞車點算!!!!! Euro star 火車係Gare du Nord邊一忽我又唔知, 仲要過海關check 行李呢?????今次真係大劑...............
的士開到黎酒店已經5點幾, 佢個收費錶已經跳到6個幾euro, 原來呢d 就係酒店員工同我講的所謂"extra charge"....咁.....咁 我第一日黎俾個女司機兜左一大段路都最後都唔駛20euro, 響呢個情況之下, 可以接受啦....(唔係咁諗可以點呢.....)
司機知我去Gare du Nord就問我係唔係坐火車. 我話係呀, 7點火車呀..佢話: "噢, 好塞車喎出面!" 吓???? 死喇死喇, 之後我話應該係7:15 分佢又話: 哦, 咁ok 啦...
唉, 好擔心呀. 整段車程我強逼自己冷靜, 逼自己睇歐洲版星島日報張柏芝同拉姑單新聞, 但真係睇唔入腦.....好淆底!!!
司機知我心急趕時間都好識做, 不停攝位攝位.....
架的士個收費錶一路跳一路跳一路跳, 我個心亦同時一直狂跳...................... 跳到廿幾euro, 司機話到喇, 你直行就係喇. 我架車去唔到, 你落車自己行過去啦.
......................................係唔係架. 那一刻我睇極都睇唔到有車站喎. 有一刻我懷疑自己用法文講Gare du Nord 的時候發音有冇錯, 佢係唔係車錯地方?
拉住個行李響巴黎街頭飛奔一邊叫:
excusez- moi excusez- moi!! (此乃我在巴黎講得最多的法文)
終. 於. 到. 了.
拉住個行李衝入車站又搵唔到euro star個月台好似盲頭烏蠅, 到底響邊架!!!!!! 問!人!
原來響二樓, 立即衝上去~!!!!!!!!! 其實當時未夠6點半, 可能我係太緊張, 但...真係好彩唔算好塞車咋. 真係分分鐘遲到架!!
 |
| 左邊的為荷槍實彈的警察 |
 |
| 排隊等緊security check |
排隊check 行李過海關, 一切順利, 時間剛剛好. 想買野食又想去廁所, 唔夠時間做曬兩樣野, 只好選擇去廁所. 好順手將車票放入牛仔褲後袋就去廁所, 去完剛好可以上車..... 咦, 我張車飛呢??????????!!!!!!去左邊度!!!!!! 發左狂咁衝番去廁所方向, 又想衝番出去海關!! 等等, 冷靜, 都係先去廁所先!!! 一入去廁所刻意咁好大聲講: my ticket!! where's my ticket!!!??! 馬上就聽到有個女人響廁格回應: there is a ticket!!
BINGO, 就係我剛才去那一格!!
搵得番太好喇, 我實在太大意!
拎番張飛, 第一時間飛奔上火車. 黎巴黎的時候由於腳步慢, 大型行李架一早俾人霸佔, 今次我一定要一早上車霸行李架再慢慢等開車!!! 一切安頓好, 坐低睇報紙, 有個美國女人將一個非常重的行李放上我頭頂的行李架, 點知成個跌左落黎差D 揼死我!
坐到悶悶地, 去左餐車卡八一下, 買野可以俾EURO 又可以俾英磅, 但價錢都幾貴又冇乜好食. 於是決定番到倫敦再打算.
差不多到倫敦我就坐左響車門位置, 打算一到站就衝出去, 因為有同事話會黎接我火車唔想佢等太耐. 點知我搵來搵去到搵唔到我自己件行李! 點解冇左0既?????????????????????????
之前跌左車飛而家又唔見左行李???? 攪咩呀!
我左摷右摷發曬茅, 有個男人走黎睇下有冇乜野幫到手. 佢話之前見到有車務員搬過d行李喎, 你睇下overhead行李架上面有冇你件行李?
我一件一件行李望, 竟然發現我自己件行李俾人搬左響我頭頂個行李架! 有冇攪錯呀.....幾時搬上去我唔知, 梗係我去左餐卡0個時啦....差不多20kg 架, 我一陣點搬落黎呀! 之前去程已經有車務員同我講我件行李好"輕"可以放上架....十幾kg 都叫做輕?
一心打算第一個落車, 卒之變成最後一個因為我要等所有人落車仲要跺上張櫈先可以搬佢落黎. 當我勁黑面企上張櫈, 唔覺意同一個後生仔(或者叫中童比較準確) 有眼神接觸. 佢可能以為我向佢求助卦, 又或者佢真係好好心, 又或者我塊面真係好黑嚇親佢, 佢主動問我要唔要幫忙. 求之不得啦!!! 真係講左無數句thank you 呀! 件行李真係有15,6 kg架.
終於, 番到倫敦了. 倫敦呀, I miss you!!!! 等左幾分鐘唔見同事黎接我就自己坐tube 番酒店了. 由King's Cross 番到Bayswater 完全唔需要轉車, 架車人又少天氣又涼,突然覺得回到倫敦係一件好開心的事!
回到umi hotel check in, 竟然番番去第一次黎住的417號房. 走火警那一間!
仲有一個合味道杯麵未食, 今晚就來一個合味道海鮮杯麵加"葉問"!
回到London 突然覺得整個放鬆曬.....睇睇電視寫寫blog 就準備瞓. London 雖然感覺係好, 可惜呢間酒店真係又殘又舊. 上下左右有人行過都好似地震, 地板"吱吱"響嘈到令人發脾氣!!
明天 最後一天在倫敦, 打算去多一次大英博物館!
