一心打算今年生日要一個人去旅行, 但係22號生日16號仲上網申請入台證未決定去台中定日本. 東瀛遊只剩下立山黑部但我又唔想去d咁凍的地方, 突然醒起仲有一間縱橫遊未check, 點知佢地竟然仲有一團仙台收緊客! 最後決定去日本仙台, 因為突然覺得想對自己好少少, 好想浸溫泉又諗住仙台會暖過立山黑部睇雪山暖少少囉. 但竟然遇上四十幾年最凍的四月!!! 凍到抽筋, 好彩帶夠衫! (一件羽絨一件columbia 風褸+抓毛...)
22號一早到機場集合, 全團15人, scan 一下已經知道今次將會4晚自己一間房, 正!!!! 團友平均年紀應該超過55歲, 我係屬於年青一族!
飛到東京之後馬上坐車前往tochigi （栃木縣）. 車程長達4-5小時. 落住微雨的東京, 有d 凍. 從飛機一行出黎, 吐氣都會出煙. 在排隊出境時, 有個大叔幫忙check 入境者填的入境表格有冇填錯, 佢同我講左幾句類似英文的東西我完全唔知佢講乜, 直到佢突然轉用日文問我有冇筆, 我竟然衝口而出答, 有! 我有筆!! Oh, 日本呀, 日文呀, 久違了!!
在車上睇住風景睇到訓左覺, 中途停了一個休息站, 個天黑齊之後就到左日光鬼怒川溫泉. 全團人坐響tatami 食晚飯, 班老人家一邊坐一邊投訴坐得好辛苦又腳痺呢樣0個樣. 呢一餐麻麻, 不過都勉強食得飽….食完馬上出街兜個圈, 點知周圍乜都冇, 只有一間超迷你便利店. 唯有匆匆回酒店趁人少少衝去浸溫泉, 點知都係撞到C9 團友…..
間酒店雖然細細地, 房間又舊舊地, 但有好香的草蓆味!
浸完溫泉買罐啤酒上房, 邊飲邊睇電視真係爽到不得了. 好耐好耐好耐未試過咁安靜咁Relax, 四周環境異常清靜, 一覺訓到天光morning call, 連發夢都冇!冇雀仔聲冇鼻軒聲, 優質睡眠真係要用錢買!!!!
沒有留言:
張貼留言