(酒店房望出去的風景)
一覺訓醒到第二日, 精神爽利的食完早餐, 出發到第一個景點, 日光東照宮. 每一日都唔清楚行程, 導遊講完都唔會記得…..日日去唔同0既縣, 完全唔知自己身在何方…..唔記得帶個腦去日本!
去東照宮時雖然已經著左4件衫又冷衫又抓毛jacket, 依然凍到騰騰震. 而且雨越落越大, 根本冇心機行……人人都係咁意行下影下相就匆匆上車. 上車後馬上加多件羽絨先頂得順!
(東照宮旁的二荒山神社)
雨停左之後就到了溫室士多啤梨園任擇任食. C9 團友們充分發揮冇執輸精神以狂風掃落葉的蝗蟲姿態狂食…
第二日我已經發現了旅行團c9的特色:
1) 講野超大聲, 不論何時何地 (溫泉, 寺院, 神社, 餐廳………)
2) 講爛gag
3) 去過好多地方旅行
4) 有錢, 禾桿冚珍珠
5) 怕執輸
6) 超熱心 <-此乃我頗欣賞的地方, 雖然有時過火一點, 由於本人唔係好識揀士多啤梨, 行來行去都只係食左好少. C9 甲非常熱心指導我如何選擇靚士多啤梨之外, 揀埋俾我不特止, 仲呼籲: “各友團友, 呢位小姐唔識揀, 食左好少, 你地見到靚0既就摘俾佢!!!”………………. 往摘士多啤梨途中, 馬路兩旁有好多的櫻花, 是今次的意外收穫. 今次黎日本我只係一心想浸溫泉, 到底有d乜野睇我都唔多清楚!!! 原來咁樣睇櫻花都已經好靚, 如果係”滿開”的話一定會好震撼.
下午一餐有2件蝦shushi+2件蟹shushi+ 2件蟹sashimi+烏冬+ 天婦羅. 我覺得以旅行團的質素來講, 幾滿意.
食飽飽去了福島縣的五色沼, 號稱日本九寨溝. (睇黎都係香港人改架啦)
那個湖的確幾靚, 藍得黎又好多層次,顏色深淺不一. 而且積雪未溶, 又一個意外驚喜. 所以同事問我, 今次去日本睇左d乜呀? 我話: “賞花賞雪賞秋香呀”
當本人正在為Barbapapa先生在湖的前面拍攝造型照的時候, 突然跑出幾個講廣東話的女人. 匆匆忙忙的跑去湖前面影相, 口中大大聲不停話"兜左好多寃枉路先黎得到, 快d 睇完仲趕得切坐唔知乜野車去唔知邊度---刁那星!!”………….香港人, 好核突呀你地!!!
是晚入住松島莊觀溫泉酒店, http://www.taikanso.co.jp 雖說因為其他酒店full左先轉黎呢間, 但呢間都相當大. 溫泉有室內, 半露天及露天. 終於第一次嘗試露天溫泉, 可惜已經天黑外面風景都睇唔到. 多年前曾經入住北海道酒店一間, 溫泉應該幾好的….但當時大近視, 除左眼鏡入溫泉乜都睇唔到! 今年做完lasik 終於可以邊嘆邊欣賞風景!
浸完之後, 又再買了一罐零糖ASAHI 啤番去房嘆一嘆. 呢次間房唔再係TATAMI, 有兩張床, 反而覺得好似窄左少少~~
(是日晚餐)
聽唔曬D日文但都不停睇電視, 睇下睇下酒精上腦又再次享受左一個無夢的晚上, 太讚了~~
東照宮
日光東照宮，是德川幕府第一代將軍德川家康的家廟，初建於公元1617（元和3）年，後由第三代將軍德川家光於公元1636（寬永13）年擴建，是日本近代建築史上的傑作，也是日光旅遊的主要景點。東照宮由大小23處廟宇殿堂和回廊構成，座落於日光群山之中，依山借勢，錯落有致。東照宮的建築精雕細刻，金碧輝煌。日本風格的明陽門和中國風格的唐門是其代表建築。東照宮的雕刻中最為著名要數“三猴（諧音日文的不聽、不言、不看。）”和“睡貓”。東照宮已登記為世界文化遺產。
二荒山神社(關東）
二荒山神社是於延曆9年（790年：奈良時代末期），勝道上人所創建的神社，是日光山神靈信仰的中心，是日光山嶽信仰的主祭神社，建築莊嚴不以華美取勝，充滿著神道教的樸實無欲。男體山的禦神靈大已貴命亦祭祀於此。現今的建築物是於元和5年（1619年），因2代將軍德川秀忠的寄進，而將桃山調的社殿改建為現今的二荒山神社。是現今日光山內最古老的建築物。主要祭祀著福緣結守之神大已貴命，求子安產之神田心姬命等神靈。
沒有留言:
張貼留言