day 1
自從在yahoo 睇左uncleman 的台灣環島遊之後, 給墾丁的天和海迷住, 一直想去墾丁看一看. 今次學人做孝順女, 請老豆去旅行, 就自然選了墾丁.
一直做了好多資料搜集打算自由行, 最後都係選了跟團, 原因:
• 一直都係得我一個search 資料, 冇人同我交流好鬼悶;
• 而且其間老豆三番四次的暗示不如跟團;
• 兩個人去墾丁一定要包車, 洗費會大
• 萬一安排不週到, 我唔洗負責任!!
最後竟然我地揀左中旅社! 冇錯, 係中旅! (我曾經有一刻諗過會入唔到台灣境!!!會被人當成間諜捉左去!)因為而家已經唔係去墾丁旺季, 好多旅行社成唔到團. 成到團的呢, 唔係focus on 尋找海角7號景點, 就係去什麼民族村, amusement park, 浸溫泉之類. 去足一日, 我冇興趣! 中旅呢一個, 算係cover左最多我想去的地方, 唯有揀佢啦.
原來去高雄好快: 上機, 起飛, 食飛機餐, 飲茶/咖啡, 收拾, 降落. 連廁所都冇時間去, 全程約1個小時!!
團友有幾位老人家, 每日發生不少小趣事. 一落機已經笑爆我個咀!
此人拿住一張外幣去換錢, 我睇唔到係邊個國家的銀紙. 人地換左幾十蚊台幣俾佢, 佢拎住d錢呆左......
佢又唔識講國語, 問人地點解, 人地解釋又聽唔明. 最後佢擰轉頭向我求救. 原來阿婆拎左張50蚊泰銖俾人換錢 =___="
佢知道之後大叫" 乜我呢張唔係英鎊咩!!!!!!??????"
英女皇同泰皇, 一個男人一個女人喎阿婆........................
是日行程先去佛光山(撞到鄺美雲), 再坐渡輪去旗津島食海鮮.
(佛光山)
旗津島
旗津島
吃完就去夢時代購物中心. 在夢時代頂樓有一座百幾尺高的hello kitty 摩天輪. 本來都冇打算坐喇,... 點知都只係150元, 高雄政府送那本"浪漫高雄"仲有買一送一! 卒之就同老豆去左坐!!
摩天輪的廂坐, 其中有兩個是全透明. 其餘六十幾個是普通卡. 本來我都想自我挑戰坐一坐. 但有好多人都係等坐透明位, 我只有坐普通位. 自從荔園執左之後都未坐過喇! 其實, 我估我坐透明卡的時候可能會嚇到唔敢周圍望, 全程腳震!
摩天輪轉一個圈都差不多轉了20分鐘. 餘下的時間我就去了四圍行, 老豆去了誠品. 星期日的mega shopping mall非常少人, 有d 意外. 匆匆的在康是美買了盒美麗日記和暗瘡貼(係, 又係mask 和暗瘡貼)再到金石堂買了一些漫畫雜誌便夠鐘集合回酒店. 領隊話"早d休息啦, 明天會辛苦d呀, 7點morning call!!"................
回酒店,睇完康熙來了便訓覺. 一路戰戰兢兢, 怕老豆的鼻鼾會好勁....好彩! 呼~~
