謝西嘉的旅行日誌: 清邁

顯示具有清邁標籤的文章。顯示所有文章

2012年1月1日星期日

那些瘋狂去泰國的年代---翻炒清邁 May 2006 (曼谷與清邁) Day 3

4/5/2006 Day 3

今日傍晚會飛 Bangkok. 由於連續兩日太過勞累, 今日要輕鬆少少. 所謂的輕鬆, 仍然是早上8:30起床. 慢慢的嘆早餐, 約了day 1 的tuk tuk 司機somsak 11點來酒店, 便plan 行程. 由於一心來清邁是看風景寺廟古蹟, shopping 留在Bangkok進行.

來清邁前看過一本台灣出版的旅遊書, 作者表示wiang ku kam 是一個值得一看的古城. 但我看了幾本地圖, 都是只看見東面有一個wat ku kam. wat 和 wiang? 是印刷上出錯嗎? 但wat 是寺廟的意思嘛....

當我放棄尋找,決定去wat ku kam 的時候, 隨手拿起身邊的地圖, 突然見到南面有wiang ku kam 的英語介紹!! 它說wiang ku kam 是一個ancient city, 就是這裡!!!!

我拿著地圖給somsak 看的時候, 見他面上閃過一絲猶豫....有點擔心問他"ok??" 佢馬上答"okok!!!" 但他卒之問了4次路才去到.....

Somsak在一個好像公園的地方停車, 那裡沒有遊人只見幾架馬車和幾位工作人員大叔. 真是這裡嗎??? 一點"古" 的感覺也沒有, 根本像個市鎮公園嘛~~我們下車四處看看, 見到有些古城的相片. 有位大叔行來不停跟我們說泰文(我們真的似泰國人嗎?昨晚都有人說我們看起來不似香港人)我隱約聽到馬車的泰文, 又見他指著馬車, 應該是叫我們坐馬車吧?! 問問價錢只是200b, 時間大約 45mins~1 hr. 坐馬車都要45mins?? 那應該是地方很大沒有辦法自己行了. 反正未坐過馬車而且又平決定試試.

大叔途中用泰文向我們介紹古城歷史(我想是吧??? 因為我除了LANNA和WAT 這兩個字, 其他沒法聽懂...)後來他都放棄了, 只是每停一處地方便講一講名字, 都不理得我們是否聽得懂了.

正值中午, 周小姐的膊頭已經曬燶了. 而我, 已經化成地盤工友--raybay太陽眼鏡, 帽, 和一條濕毛巾搭頸!!!因為我感到頸後已經灼痛!!

古城地方頗大而且分散, 剛開始興致勃勃四處爬高爬低, 但後來熱得只有匆忙下車影完相便上車走了. 這樣都行了一個小時~~~

已到LUNCH TIME,又是決定往那裡食飯. 本想去MANDARIN ORIENTAL, 但Somsak 說要45分鐘. 沒有時間呢...因為我們今日要去曼谷. 唯有先回酒店check out, 之後便到酒店附近的法國餐廳 Le Coq 'd Or 吃吧.

http://www.lecoqdorchiangmai.com/

聽說這餐廳多次獲選清邁10大餐廳, 公主都經常去的. 當日去到除了我們, 還有一個外國人, 和兩個講廣東話的人. 後來他們走了之後我們便包場了. 環境裝修都很優雅, 一向說話大大聲的我倆有點不習慣.

我們吃了:

1) 鵝肝老虎蝦salad

2) French Onion Soup

送的sherbet, 用來清清味蕾

3) Lobester Ravioli(我的main course)

4) Pan Fried of Duck Breast with Orange source(周小姐的)

花瓜和老虎蝦salad味道一流, 老虎蝦salad勁有蝦味! 我的ravioli 上菜的時候, 我呆了~~~這個價錢但只有6粒細過灣仔水餃的ravioli!!!!??????? 但一放入口-----唔....唔...直到在還回味無窮. 龍蝦的鮮味足以彌補它的貴!!!食到矇起眼!!!!(在這間餐廳所影的每一張相, 都是最真的我---見到美味食物開心得見牙唔見眼, 雙下爬都跑出來了~~~)

這一餐, 食了個多小時. 由於時間緊迫, 沒有吃甜品和飲咖啡便走了. 這餐吃了3千幾baht. 以泰國的standard來說, 是超貴的. 但這樣的食物水準和環境, 在香港根本沒有可能吧~~所以還是覺得值得的.

匆匆回酒店帶回行李便出發往機場我還是第一次帶著巨型行李坐tuk tuk....真的擔心行李會飛出來!

check in 後去飲了杯涷咖啡. 天啊, 飲了之後竟然在機場肚痾!!!!! 還3次之多!!!!幸好飛機delay, 幸好情況轉好時才上機否則不堪設想!

安全抵達曼谷立即飛的往asia hotel. 曼谷=塞車... 放低行李洗個面, 馬上去siam paragon 食飯. 去到已經9:20了. 周小姐說這裡的海南雞飯好好食, 那我便一於"cow 問計"吧! 那個師傅樣子十分似中年~吳彥祖, 我們坐在他檔口前, 一邊食飯一邊看著他斬雞都幾好feel, 哈哈!

食飽後去了那個大supermarket 逛, 可惜他們已要關門了.唯有失望地離開. 我們打算打的往suan lum night bazzar, 但截不到的士, 在paragon 門前的的士全部獅子開大口, 要150b. 我們決定放棄, 決定行往mbk, 看看有沒有地檔. 可惜只有幾檔而且貨品不大吸引, 於是便回酒店休息.

今日的大出血就發生在酒店. 酒店入口有一間賣蝴蝶袋的!!!! 我便在這裡買了幾對拖鞋給阿媽阿姨們做手信了~

2011年12月27日星期二

那些瘋狂去泰國的年代---翻炒清邁 May 2006 (曼谷與清邁) Day 2

第二日一早起身食早餐因為agent會好早pick up 我地. 食早餐的地方很大, 單是麵包都at least 有6,7種選擇.

隔離張檯見到有兩個港男很有斷背feel~

今日的行程如下:orchid & butterfly farm, elephant show, elephant riding(1hr), ox cart riding (15mins), lunch, bamboo rafting, 上chiang dao 睇cave, 最後去睇long neck karen長頸族.

去完蘭花園, 就去戲肉--騎大象.

這個elephant park 和mae sa elephant camp 相比, 比較簡陋. 但簡陋有簡陋的好, 因為:

1) 可以近距離看大象沖涼, 分分鐘被噴到一身濕;

2) 沖完涼他們是在身邊行過, 可以隨意影相接觸;

3) 小象可以"捐"欄杆走出來問人拎香蕉食;

4) 大象媽媽和小象一齊行JUNGLE, 超可愛!!

超騰雞!!

最好笑是, 在Elephant Park 撞到酒店那兩位港男., 他們就是坐大象媽媽.........BBM+大象媽媽+小象一齊行...都幾溫馨的!!!!! (事隔6年, 完全忘記乜野係BBM??? 周小姐如果你睇到呢個BLOG又記得, 可唔可以話我知BBM係乜?)

之前坐大象, 當我地俾TIPS 個象伕佢就會好醒目地跳落象幫我地影相. 今次呢碌"葛", 收左錢都唔識做野!!!! 那時候, 我的泰文課程初階終於大派用場了~~~~

"大碌, DIE 咪? (影相, 可以嗎)" 哈哈, 佢轉頭望下我, 便伸手接過我的相機跳落去了\(^0^)/

最好笑係, 周小姐想用佢部相機影相時, 那個男仔越叫越走....我地HELLO HELLO, EXCUSE ME...叫極冇反應~~~我地連SAWADEE KA 都出埋佢,

佢都只是愕然(我覺得他在忍笑....), 跟住回答我地"SAWADEE KUP"咁就走左去....

我唔係真係想問候你呀, 醒目仔.....

坐牛車, 沒啥特別....最特別是牛佬在我們面前數錢暗示我地未俾TIPS!!!!!

吃過象園的Buffet lunch後便是一小時的bamboo rafting. 沿途都是很高很高的樹, 螢光綠蝴蝶, 沒有車聲, 只有水聲, 寧靜得想訓覺...如果可以有間別墅在那裡便好了~~~~

突然見到有幾個Lisu 族的小女孩站在水中央叫賣, "10B, 10B~~" 突然心好酸...唔知佢地一日站幾多小時在水中? 又可以賣到幾多錢??

上岸後, 司機叔叔拎住涷水等緊我地去長頸族了.

這次去的長頸族(正確來說是Karen 族). 沒有上次那個的商業化. 起碼同佢地影相, 她們不會馬上問你攞錢. 你幫她們賣些手織頸巾已經很開心.

全族最美的少女

呢個妹妹好靚女架!!

同場加映大耳族

大約6點便回到酒店. 晚上Khum Khantoke餐廳的人會來pick up我地去食泰北菜, 兩個曬到黑麻麻的人便先沖個涼, 抖一抖.

這間餐廳的特色是邊食泰北菜, 邊欣賞泰式歌舞. 典型遊客活動但我又覺得睇下人地d野又無妨. 可惜泰北菜不是辣便是炸~~~其實辣的那兩碟都幾好味,可惜我怕生暗瘡, 沒有吃太多.食完飯之後餐廳職員會和大家一齊在門外放孔明燈.

其實間餐廳好靚又好大, 我都唔知點解自己會冇影相.....可能心急趕住搭車去night bazzar吧...

清邁的night bazzar都幾大. 有好多少數民族的婦女穿著傳統衣服賣飾物. 除此之外和bangkok 的night bazzar 都幾相似. 可能會價錢平少少吧, 我買了一對大象的銀耳環. 都幾靚, 仲一d 都唔平 (over 港幣100, 我都覺得好貴架喇.....)

呢一日, 累到想死. 但非常開心!!!!!!!

2011年12月26日星期一

那些瘋狂去泰國的年代---翻炒清邁 May 2006 (曼谷與清邁)

2006年的一個blog. 2005年聖誕節和父母去了清邁, 回來念念不忘. 2006年和當年的旅行腳周小姐再去一次. 當年的匯率大概是100B= 25 HKD 左右.

*********************************************************************************************************

2/5/2006 HK->BKK->CNX

4點半起身, 準備坐第一班5:20am 由天水圍開出的E34前往機場, 九點幾到了BKK. 兩個大鄉里(即本人與周小姐) 搵左好幾個字先到轉機的GATE, 確認位置之後便開始在BKK 機場周圍行. 由於太眼訓, 最後都係行了一陣便在KFC 歇一歇.

到達清邁大概1點幾. 推住行李行出那個頗為簡陋的機場便周圍搵車去Sheraton. 左望右望之際, 突然左右殺出兩個阿叔夾住我地猛話"HOTEL? 120B!?" 120B? 佢又唔係的士司機, 有冇問題架....120B? 好似貴左D喎? 周小姐已經話"好平喎....." 我試下還價"100B?"佢猛話唔得. 唉, 算啦, 120 就120 啦. (計落都只係30蚊港紙, 但總係唔講價唔舒服)

Sheraton Chiang Mai 間房好似舊左D, 但係真係超級大. 一張床好似其他酒店兩張咁大. 窗外望見Ping River 和部分清邁市. 一片綠油油, 真係好耐未見過咁多綠色了.

兩個人休息了一陣便PLAN 行程. 決定了下午去睇寺廟, 再殺去NIGHT BAZZAR 搵TRAVEL AGENT, 報名參加第二日的LOCAL TOUR. 酒店BELL BOY 幫我們截了架TUK TUK (80B) 去最歷史最耐的Wat Chiang Man. 看完之後兩個人在烈日當空下搵路的時候, 突然對面馬路有人向我們招手. 那個TUK TUK 司機話80B/HR, 仲帶我地去齊最出名的那幾個WAT. 真係抵到唔相信. 我仲問了幾次真係80B 兩個人 PER HOUR?????

去了以下的6個wat (wat 即是寺院)

wat chiang man

wat chedi luang

wat phra sing

Wat Suan Dork

Wat Chet Yod

Wat U-Mong,

行了6個WAT 之後都差不多食飯時間了. 要拿拿淋趕去NIGHT BAZZAR 搵TRAVEL AGENT. 在搵AGENT 途中搵到了LET'S RELAX(night bazzar 麥記樓上), 但我地一心是搵AGENT, 所以只望了幾眼便走了.

到最後去了一間都已經鎖了門的AGENT. 問了她去坐大象和睇長頸族的TOUR價錢, 簡直抵到掩住個咀笑. 兩個人都只是2400B, 仲包一餐飯連酒店PICK UP!!! 真係冇諗過咁抵! AGENT仲可以幫我地BOOK之前想去那間有SHOW 睇的餐廳(Khum Khantoke), 價錢和我上網見到的一樣(350B) 但AGENT 可以幫我地BOOK 餐廳車來酒店PICK UP我地.

原本打算去食法國菜. 但由於太肚餓而且餐廳頗遠. 所以決定去比較近的La Gondola 食意大利菜. 行出馬路, 有架"爽條" 兜搭我地. 指個地址佢睇, 佢話60B. 貴喎, 40B啦. 佢話NO NO NO, VERY FAR. 我話50B啦, 佢OKOK,咁我地便爬上了那架迷你"拉小販車"了.

餐廳有室內和露天兩PART, 我們坐了在露天, 在PING RIVER旁邊.