後記: 對巴黎的一點感覺

以下的一段, 是我從巴黎回到倫敦當晚, 在酒店一口氣寫下的.  當時對巴黎的感覺可以說是差得不能再差. 
回到香港, 冷靜下來, 其實巴黎並不如下面我寫的如此糟糕.  只是當時有點氣上心頭.
藍色字是當晚寫的, 紅色字是冷靜下來比較中肯的想法..... 現在看來當日真的太激動 (=__=;) 用了好多感嘆號.
與其說不喜歡巴黎, 倒不如說患上了Paris Syndrome (巴黎症後群):  現實中的巴黎和心目中的巴黎相差太遠而感到失望沮喪.
 http://en.wikipedia.org/wiki/Paris_syndrome
http://roc.taiwan.free.fr/bbs/archiver/?tid-4756.html
http://news.pchome.com.tw/magazine/report/cl/unitas/4099/129890880069648015006.htm

X個不喜歡巴黎的原因:

1.          乜都好貴! 一支水都要2EURO, 買水都買到窮 (其實英國咪一樣咁貴, 只不過響英國間酒有電水壺可以煲水)

2.          熱, 好熱!!!熱過埃及皇帝谷!!!! 每日d汗由背隻流到小腿!!!  (我好彩, 去到巴黎的時候剛剛有熱浪襲歐洲.  當時英國都有33度)

3.          污糟. 滿街垃圾. 衰過花園街女人街 (呢一點我依然覺得係)

4.          臭, 通街尿味 (同上, 沒有改變想法)

5.          metro 冇冷氣, 火車冇冷氣, 餐廳唔夠冷氣, 商店唔夠冷氣.  5日最開心係響羅浮宮, 因為有冷氣!  (同上, 沒有改變想法. 有個英國同事比較中肯, 話英國同法國一樣, 地鐵好多年前已經有, 咁又點會有冷氣呢..加上佢地大部分天氣都唔會咁熱根本冇準備熱浪架嘛...係, 我知....但真係熱得發神經呢) 

6.          巴黎人冇禮貌. 不停給侍應,收銀員, 酒店職員反我白眼.  有一日衰到連續給巴士司機趕落車,兩次!! 係十分鐘之內連續兩次! (同上, 沒有改變想法. 我發覺佢地對歐美人士會好D.不過, Laudree, LV 和Prada 職員都挽回不少分數)

7.          Metro 好舊冇電梯又冇冷氣 (只係某幾個大站有電梯同埋有冷氣), 每日轉車都要上落樓梯, 辛苦到爆!!有時轉一次車可以響個站不停上落!!!  我6日5夜行的樓梯行樓梯的次數, 係響香港五年的總和. (英國其實咪一樣. 我第一次去英國又係一路行樓梯一路咒鬧)

8.          好多唔俾錢衝地鐵閘口的人(每日最少見一次) 地鐵閘口同香港唔同, 入左飛之後過左好似入超級市場幾支攔腰的鐵支之後仲要推開一度門….試過一次見到個流浪漢夾住唔郁得! (呢樣野其實對我冇影響..其實唔構成我討厭巴黎的原因. 只能夠講佢令我睇清楚巴黎, 破壞左巴黎響我心目中的美麗印象)

9.          太多遊客----去到邊度都要排隊入場.  排隊買凡爾塞宮入場劵, 排一個鐘仲要幾十人侷響一間冇冷氣同埋只有一至兩個窗的屋. 買完飛又排超過一個鐘入場. 入左場, 又逼響冇冷氣的凡爾塞宮同幾百人一齊逼住行……..(咁呢樣野都唔關巴黎事嘅...)

10.      metro 指示混亂—其實大部分算清楚, 但係某幾個站真係指到一頭霧水..指示出口可以指指下突然冇左!! (沒有改變想法.  Invalides 真係幾亂)

11.      好多地方冇英文:  羅浮宮入面展覽品都唔寫英文! (雖然我依然都係覺得需要英文 但其實並唔係因為咁而"不喜歡"巴黎囉. 只覺得佢需要改善一下. 不過佢地都係唔在乎架喇)

12.      好多略為好少少的餐廳, menu 都係主打寫法文,. 就算有英文都好鐘意用美術字…我一睇就頭暈完全冇心機睇. 所以幾乎餐餐都係食面包!!!! (人家咁artistic, 係我唔識欣賞啫)

13.   酒店冇coffee maker又冇electric kettle! 要飲就落lobby 買!


現在回想, 如果我在秋天去巴黎的話, 印象應該會好好多. 起碼天氣會比較清爽.  今次巴黎之旅最大問題是天氣.  最初四日都是持續33度或以上.  如果身邊有另一半, 秋天在阿歷山大三世橋漫步, 欣賞塞納河風景應該是一個浪漫無比的事情.