從第一日開始每日都在咒罵巴黎的天氣, 不經不覺好快已經到了第4日!
是日行程為望穿秋水的凡爾賽宮.(Chateau de Versailles)
多年前睇過瑪麗皇后(Marie Antoinette) 之後就已經同自己講過, 我一定要去凡爾賽宮一次, 因為套戲入面拍得凡爾賽宮太靚喇! 瑪麗皇后響太陽下無憂無慮的在偌大的凡爾賽宮跑來跑去, 實在太吸引,我要親身去睇下!
食飽早餐先坐METRO13號線坐到Invalides, 再轉RER 火車C線到 Versailles Rive Gauche再行5-10分鐘就到. 唔識路都唔緊要, 呢d 大旅遊景點通常跟住大隊行基本上都唔會出錯!
 |
| 雙層RER. 冇冷氣, 好熱!!! |
去到凡爾賽宮門口, 真係好想立即走….因為我見到無數條人龍, 人山人海! 到底邊一條人龍去邊一度呢? 邊一度賣飛呢? 我見唔到有指示牌噃?? 不過唔怕, 最多咪問人…. 問左工作人員, 排隊賣飛的人龍響另一邊. 咦, 好短啫(相比另一邊懷疑係排隊入場的人龍). 點知所謂人少係一個錯覺. 我以為人龍只係排到出門口那幾個, 半小時可以攪掂. 原來入左屋之後, 仲要繞住間屋兜左一大個圈先去到賣飛counter. 困在那一間冇冷氣又唔開窗, 一百幾十人困埋一齊的小屋, 足足起碼排左一個鐘.
但最吹脹係, 排完咁耐買完飛之後, 發覺有大約10部自動售票機會放左響出口附近. 用信用卡買飛的話, 只需1分鐘. 點解自動售票機會放響出口附近呢? 點解完全冇一個指示話俾我地知, 有自動售票機呢????????
 |
| 我初初以為只係得咁多人排隊買飛 |
烈日當空, 我再次拿出我把遮出黎擋太陽. 突然見到兩個疑似香港人在前面排隊 又唔知自己有冇排錯隊, 於是就同佢地搭訕起上黎. 由於排隊排左太~~~~~~~耐喇(應該超過1.5小時), 大家都傾左好多野, 又見佢地好似正人君子, 所以我就突然非常唐突唔怕面懵咁問人地: "你地呢幾日有冇食過好野呀? 我日日食面包都冇好野食....如果你地今晚有plan 去食好野, 請問介唔介意帶埋我去食好野呢????"
其實我見到佢地都有D突然, 哈哈, 但我實在太面懵又唔怕醜, 我覺得佢地根本唔好意思拒絕我. 哈哈哈哈哈哈哈哈哈哈.. 佢地決定帶我去一間French Restaurant 食dinner. 而全日我地3個會一齊行, 因為佢地"可憐"我咁多人都一個人, 冇人幫我影相!!冇錯, 咁多人都冇人幫我影過正常嘅相!
 |
| 終於有一張正常的到此一遊照!!! |
 |
| 皇帝張床...咁細0既!!??? |
最最最華麗的, 就係連結正殿與王后寢室長73米的長廊. 長廊靠庭園的方向有17扇大窗, 可以望到外面無敵超級大花園. 走廊的另一邊, 有鑲上578塊鏡板的17面鏡, 波希米亞水晶燈, 黃金燭台等等. 極其華麗奢華浮誇, 但我極愛!!!
 |
| 鏡室 gaierie des glaces |
 |
| 望出去就係花園, les jardins, 好靚好震撼, "嘩"左出黎! |
 |
| 王后張床大過王帝張床少少, 不過都係細 |
呢個花園實在係大到離曬譜. 入面有大宮殿(Grand Trianon)小宮殿 (Petit Trianon), 仲有一大條運河! (Grand Canal).
 |
| 沒有盡頭的花園 |
當年瑪麗皇后將小宮殿的部份花園改建為鄉村風格. 所以氣氛與其他地方有非常大對比. 當日我地見到有一個薰衣草花園, 另外有天鵝仲有牛!
 |
| 小宮殿內 |
 |
| 據說此為marie antoinette與情人休會之地 |
如果有一日我有機會再到巴黎, day 2 的跳蚤市場和凡爾賽宮必定係我會再到的地方!!
落住大雨衝出凡爾賽宮, 兩位新朋友經歷左超攪笑被搵笨買雨遮事件之後, 響麥當勞小休一陣又坐番RER 出市區. 一停雨氣溫又開始高番. N咁多人困住響車廂又熱又冇冷氣, 一身汗逼落車的時候, 我突然覺得自己好似一隻豬.....由羅湖坐火車落香港, 逼響車廂又熱又臭的一隻豬!!
新朋友們帶我到一間歷史悠久的法國餐廳, 樓底非常高, 而且有好多吊扇好有情調. 可惜剛剛從豬車落車的我, 見到如此情調第一句的說話竟然係"冇冷氣架????"
係, 我知我係大煞風景....但真係好熱吖嘛......
打開餐牌, er ...全部法文 (=__=;) 侍應過黎serve 我地, 又係講法文, 亦完全冇意思想同我地講其他語言.
以本人的法文程度, 只勉強認到"蝸牛""鵝肝""牛肉""魚"芝士""沙律", 仲有白酒同紅酒.............好彩其中一位新朋友識講又識睇少少. 三個大鄉里擾攘左好耐先決定點左:
 |
| 到左法國, 點會少得食鵝肝! |
 |
| 當然仲有蝸牛 |
 |
| 雞肶就比較一般 |
 |
| 超好食的鴨, 有d 似臘鴨, 但真係好好味 |
 |
| 只需要九個幾歐羅的白酒, 好好飲! |
 |
| 牛, 一般啦 |
 |
| 每人輪流專登擺個老土pose 影相 |
食完main course 之後, waiter 問我地要唔要食甜品. 除左cream brulee 其他野係完全唔識!!! 新朋友問完waiter, waiter 又解釋完之後, 佢都係聽唔明....於是佢就幫我地決定左食朱古力蛋糕喇. 味道都唔錯!
食完飯九點幾, 仲有好多人排隊. 呢一餐食左22euro, 算係咁喇. 又酒又entree咁多野. 不過我唔係太飽, 仲可以食多d 野, 不過新朋友冇出聲就算吧.
埋單之後佢地決定去Champs-Elysees行街, 我就有d 攰加上有d 公事心掛掛於是番左酒店. 番到酒店, 有個英國同事send左個email 俾我. 之前響英國佢答應介紹一間響巴黎的餐廳俾我, 但因為我響London 的時候大家都比較忙所以不了了之. 佢搵到間餐廳資料即管email 我, 佢其實都估我會番到香港先至會check 公司email 架喇....我一睇, 咦, 佢介紹俾我間餐廳原來就係我今晚去左那一間!!!!!
實在太奇妙!!
呢一間有情調有歷史, 臘鴨非常好味的餐廳就係佢:
Chartier
 |
| 好多人爭住影相, 我都唔執輸 |
沒有留言:
張貼留言